Río Volga

Plantilla:Río O Volga (en ruso Волга) ye o río más largo d'Europa. Ye un río d'a Rusia occidental con una longaria de 3.700 km, un cabal meyano de 8.000 m³/s (en ixo tamién ye o primer d'Europa), y una cuenca de bells 1.400.000 km².

Naixe en un chicot laco en a Meseta de Valdai a 228 m d'altaria y desemboca en a mar Caspia formando un amplo delta. O suyo caudal ye muito irregular, a meitat d'o agua que leva en un anyo o fa dende finals d'abril dica lo principio de chunio mientras o deschelo, anque gracías a os entibos y a o acondicionamiento d'o suyo cauce, ye navegable quasi en a suya totalidat.

Toponimia

D'antis más se deciba Rha y como tal apareixe recullito en as obras de Ptolomeu. Iste nombre perviviba entre bells pueblos dica o sieglo XIX, a on que s'adopto a denominación actual.

Una d'as solas mencions en aragonés meyeval ye en "La Flor de las Ystorias d'Orient", on ye denominato Etill, preso d'a denominación en bella luenga turquica:

aquesta t(ier)ra de comania comarca deues orie(n)t con el regno de corasina et en partida con vn gra(n)t desierto deues ocçident comarca con la mar mayor et con la mar del regno deues septemtrion comarca con el Regno de Roussia et deues mig iour se stiende entro ha e(n) la mayor flumaria que hombre sapia en el mundo q(ue) es clamada Etill aq(ue)lla flumaria se yela cascun anyo et algunas vegadas esta todo el anyo yelado en tal manera q(ue) hombres et bestias hi passan desuso assi como farian Por t(ier)ra. Et en aq(ue)lla Ribera de aquel Rio se fazen algunos arbores chicos et dela otra part del Rio deues mig iour et deues ocçide(n)t muchas naciones de gentes qui non se cuentan del regno de Comania mas ellos so(n) obedientes al Rey de comania et son entorno de la montanya de Corcas que es muyt grant et alta

Bibliografia

• La voie des Tsars, Yves Gauthier, 1999, Paris , ISBN 2-84536-000-2

Vinclos externos

• Se veigan as imáchens de Commons sobre El río Volga.
• (fr)/(en)/(ru) Recorritos por o río Volga.