La Yunta

La Yunta ye un municipio d'a provincia de Guadalachara, en a comunidat autonoma de Castiella-La Mancha, Espanya. A suya población ye de 144 habitants (2004), en una superficie de 55,98 km² y una densidat de población de 2,57 hab/km².

Mugas

O suyo termin muga con Fuset, con un cantón de Las Cuerlas, con Odón, con Molina d'Aragón, con Campillo de Dueñas y con Embit.

Toponimia

O toponimo La Yunta talment se deba a lo forcallo que bi ha entre dos ramblas, a Rambla de Morenillo y a Rambla Nueva de Beta. En a mesma provincia o forcallo entre o río Cabrillas y o río Tacho bi ha un parache dito Las Juntas. En a suya microtoponimia bi ha aragonesismos como Los Morrones, Pozo del canyo, El canyo malo, La Cruceta, El Cerro Lato, El Lagunazo, Las Lomatas, Barranco de los Royos, Poza de los Royos, Pairón de Rufino, Pozo de la Silleta, El Salobral, La Tajuguera, Laguna del Tarquín, Majarán (aumentativo -án), Placeta del Pradillo.

Vinclos externos

• Toponimia de La Yunta