A metamorfosis

A metamorfosis
Información cheneral
Autor	Franz Kafka
Chenero literario	Novela
Versión orichinal en alemán
Títol orichinal	Die Verwandlung
Editorial	Kurt Wolff
Ciudat	Leipzig
País	Austria-Hongría
Calendata de publicación	1915
Traducción ta l'aragonés
Traductor	Pascual Miguel Ballestín
Editorial	Gara d'Edizions
Ciudat	Zaragoza
País	Aragón
Calendata de publicación	1993
Formato	Pocha (11 x 18)
Pachinas	94
ISBN	ISBN 84-8094-002-6

A metamorfosis (en alemán Die Verwandlung) ye una novela curta escrita per Franz Kafka y publicata per primer vegata en 1915. Ye una d'as suyas obras més conoixitas, chunto con Der Prozess (O procés) y Das Schloß (O castiello).

A historia empecipeya con o vendero viachant, Guergorio Samsa, que un día rebella y se ye tornato un "insecto". A primer frase, talment una d'as més conoixitas d'a literatura d'o sieglo XX, ye:

Quan un maitín rebelló, Guergorio Samsa, dimpués d'un azogau suenio, se trobó en o leito convertiu en un insecto chigant. (En l'orichinal alemán: Als Gregor Samsa eines Morgens aus unruhigen Träumen erwachte, fand er sich in seinem Bett zu einem ungeheueren Ungeziefer verwandelt.)

O efecto que se consigue en alemán per l'orden sintactico propio d'o idioma, con o verbo a la fin d'a frase, permeteba a Kafka de preducir impactos inesperatos chusto antis d'o punto, cosa difícilment traducible en a mayoría de luengas.

A metamorfosis ye considerata una historia de gran simbolismo, susceptible de diferents interpretacions. Dos temas prou recorritos per l'autor pueden veye-se-ie: l'allenación y despersonalización d'o individo que la sociedat imposa, y la problematica relación entre pais y fillos. Ixo ha feito que a vegatas sia considerato un "relato existencialista".

En 1993 fue traducita ta l'aragonés per Pascual Miguel Ballestín.

Vinclos exteriors

• Prelogo d'a edición en aragonés, per Félix Romeo Pescador.
• Texto-E d'a versión orichinal en alemán a DigBib.org (texto, pdf, HTML)