Guerra d'as Comunidaz de Castiella

La revuelta y guerra de las Comunidatz de Castiella estió un alzamiento contra la Corona que se produció entre 1520 y 1522, protagonizato por las ciudatz interiors de la Corona de Castiella.

Bells historiadors la consideran como la primera revolución moderna, contra las pretensions de lo rei Carlos I de Castiella de cambear lo gubierno de la Corona, sacando-se poder a las Comunidatz de Villa y Tierra castellanas (las ciudatz) pa profundizar en la centralización de lo poder. Bells autors han considerato esta revuelta de los Comuners como la primera revolución moderna d'Europa. Atros la consideran como la zaguera prebatina de los castellans en quedar-sen como en la Edat Meya y aturar l'abance de lo poder reyal, a lo que anyaden un component furo contra lo forano n'esta revuelta. Son de la primera opinión: José Antonio Maravall, Julio Valdeón Baruque u o historiador francés Joseph Pérez, autor de lo libro Los comuneros, y que talment siga lo millor esperto en lo mobimiento comuner.

Contra ellos, los partidarios de la segunda opinión esfienden que un mayor poder reyal ye garantía de modernidad, car ye normal en la Edat Meya lo trestallamiento de lo poder y, en lo caso de la Corona de Castiella, que a los monarcas lis calese dende siempre refirmar-sen en las ciudatz (en las ditas "ciudatz con voto en Cortz", que teneban un poder important por su dreito a participar en las Cortz estamentals con lo ninvío de representants). Asinas doncas la Guerra de las Comunidatz podría haber estato una zaguera prebatina d'ixas ciudatz por mantener lo poder que heban acumulato en muitos sieglos y aturar lo desembolique de l'absolutismo.