Medecina

Iste articlo ye sobre os farmacos. No s'ha de confundir con a medecina, a sciencia que estudeya las malautías.

Merecina por vía oral.

Una merecina u melecina se puet definir como qualsiquier substancia destinata a estar utilizata en o diagnostico, cura, mitigación, tractamiento u prevención de malautías. Ye una substancia, simpla u compuesta, emplegata con una finalidat terapeutica contra las manifestacions patolochicas, tanto si produce o suyo efecto suprimindo a causa d'a malautía como si nomás en atenua os sintomas. Ista substancia ye integrata en una forma farmaceutica y ye destinata a la suya utilización en as presonas u en os animals, dotata de propiedatz ta prevenir, diagnosticar, tratar u curar malautías u ta afectar funcions corporals u o estato mental, tot ixo por a vía d'administración adequata, y con a dosificación de farmaco prevista. As merecinas que nomás contienen un prencipio activo se gosan decir farmacos. O efecto terapeutico d'a merecina s'acompanya, a vegatas, d'efectos no deseyables u segundarios.