Quảng Bình

A provincia de Quảng Bình en Vietnam.

Quảng Bình ye una provincia d'a Republica Socialista de Vietnam, en a peninsula Indochina y a lo sudeste d'Asia. A suya superficie ye de 8.051,8 km², con una población de 831.600 habitants (2004).

A capital provincial ye a ciudat de Đồng Hới.

L'aeropuerto de Đồng Hới y o Parque Nacional Phong Nha-Ke Bang son situatos en a provincia de Quảng Bình.

Ye o lugar de naixencia d'o cheneral Võ Nguyên Giáp y d'o politico Ngô Đình Diệm.

Historia

A desembocadura d'o río Nhât Lê, en Quảng Bình

.

Colonización francesa

Mientres a colonización francesa, a provincia fació parte d'Annam, en a Indochina francesa. Bi habió una important base aeria melitar de l'Exercito francés (en Đồng Hới), emplegada ta bombardeyar as concentracions d'o Viet Minh y d'o Pathet Lao.

Independencia

En 1954, seguntes os Acuerdos de Chinevra, a provincia quedó en o sector norte d'o país, en Vietnam d'o Norte, en a muga con Vietnam d'o Sud.

Guerra de Vietnam

Mientres a Guerra de Vietnam, a provincia recibió muitos bombardeyos aerios d'os Boeing B-52 d'a United States Air Force, por estar a man d'o paralelo 17 (a muga de Vietnam d'o Norte con Vietnam d'o Sud) y d'a ruta Ho Chi Minh.

Dimpués d'a guerra

En 1976, se fusionoron as provincias de Quảng Bình, Quang Tri y Thua Thien en a provincia de Bình Tri Thiên, encara que en 1990 as tres provincias recuperoron a suya individualidat.

Organización politico-administrativa

Quảng Bình tien 6 destritos y 1 municipalidat:

• Đồng Hới.
• Le Thuy.
• Quang Ninh.
• Bo Trach.
• Tuyen Hoa.
• Minh Hoa.
• Quang Trach.

Se veiga tamién

• Thien Duong.
• Son Doong.

Vinclos externos

• Se veigan as imáchens de Commons sobre Quang Binh.
• Pachina web oficial.