Diferencia entre revisiones de «Crepaza»

De Biquipedia
Contenido eliminado Contenido añadido
ZéroBot (descutir | contrebucions)
m r2.7.1) (Robot Adhibito: fi:Railo (jäämuodostelma)
EmausBot (descutir | contrebucions)
m r2.7.2+) (Robot Adhibito: Modificato: fi:Railo
Linia 23: Linia 23:
[[es:Grieta]]
[[es:Grieta]]
[[eu:Arraildura]]
[[eu:Arraildura]]
[[fi:Railo (jäämuodostelma)]]
[[fi:Railo]]
[[fr:Crevasse]]
[[fr:Crevasse]]
[[it:Crepaccio]]
[[it:Crepaccio]]

Versión d'o 21:55 4 ago 2012

Crepaza en una chelera.

Una crepaza u crebaza ye una ubertura irregular entre dos piezas mal encaixatas. Ye tamién o espacio vueito que desepara dos partis d'un obchecto, una masa u una superficie trencata.

Gosa parlar-se de crepazas en a piel, en as paretz d'un edificio, en a tierra, en as cheleras, etc... Tienen orichens muit diferents y penden a sobén d'o puesto y a forma en que se producen, pero por un regular a suya causa ye a trencadura d'una superficie richida.

En a superficie d'a Tierra se producen por acción d'os movimientos tectonicos y –en edatz cheolochicament luen unas d'atras- han tenito grans dimensions. Se pueden decir tamién crepazas –sin estar-lo propiament- determinatas erosions provocatas por l'augua corrient en superficies muit cerenyas pero solubles, como en as calsineras.

En a piel y a fusta d'os árbols, entre atros, ye producita por a desaparición d'a humedat que li da flexibilidat.

En un suelo pavimentato u en un muro de mampostería se producen en asentar-se en o terreno a obra edificata, por defecto d'os alazetz y pueden estar causa de ruina d'un edificio.

En una chelera se producen por o desplazamiento d'a masa glacial sobre un fundo irregular y tamién por as diferents velocidatz de desplazamiento d'o chelo d'a chelera, que s'eslisa más a escape en as partis centrals que en as partis que frotan con o terreno u os costatos d'a val. Pueden tener entre bells poquetz metros dica una mica más de cincuanta, ya que por debaixo –y debito a la relativa plasticidat d'a chelera- a gran presión d'a masa chelata lis emboza. Muito a sobén, con os nevazos, se creyan puents de nieu, que a vegatas cubren de tot a crepaza u nomás a suya superficie, estando a suya gordaria y solideza variables, representando un d'os periglos más importants ta a practica de l'alpinismo.