Rella

Esquema simplificau con los components d'un aladro: 6) rella

Rella de man usada en un molín amán de Horažďovice, Republica Checa.

Una rella ye un component d'un aladro con función de crebar y tallar horizontalment la tierra d'una faixa a la fondura de treballo requiesta enantes de mover-la, levantar-la y volcar-la fendo sulcos.

Antesmás, la rella consistiba en una falca de fusta y representaba la sola part funcional de l'aladro como instrumento escarificador. Posteriorment facioron las rellas de fierro, y actualment ye una pieza d'acero.

La rella ye constituita d'una placa d'acero, en forma de lama trapezoidal fixada con torniellos a la part anterior de la zona funcional de l'aladro, en continuidat con la vertedera. La función de la rella ye dar un empentón a la tierra d'una faixa en un plan horizontal adintro de lo suelo gracias a l'abance, permitindo que la vertedera la levante y la vulque. Pa esta fin ye fixada debant la vertedera en una posición obliqua y transversal a la dirección d'abance. Pa facilitar la penetración en lo suelo y plegar mes fondo, bi ha una punta d'acero.

Esta punta d'acero se desgasta y s'ha de cambiar periodicament con una freqüencia que depende de las caracteristicas de lo terreno. En suelos pedregosos s'habrá de cambiar mes asobén.

Etimolochía

"Rella" ye una parola patrimonial aragonesa producto de la evolución de lo latín REGULA d'alcuerdo con la fonetica aragonesa. Ye una parola que se conserva bien en aragonés ribagorzán, en chistabín y belsetán con lo significau de rella d'aladro, con atros significatos como los relativos a proteccions de fierro en finestas la parola puet estar sustituita por lo castellanismo reixa belunas d'ixas parlas.

Veyer tamién

• Aladro
• Aladro román
• Bravant
• Timoner
• Dental
• Cama
• Porpalo
• Cuitre