Frisia

{{{nombre}}}
Provincia d'os Países Baixos
Capital	Ljouwert
Comisario d'o Rei	{{{comisario}}}
Relichión ({{{anyo_relichión}}})	{{{relichión}}}
Aria  • Tierra  • Augua	{{{superficie_tierra}}} km² ({{{posición_superficie}}}) {{{superficie_augua}}} km²
Población ({{{anyo_población}}})  • Total  • Densidat	{{{población}}} ({{{posición_población}}}) {{{densidat}}}/km² ({{{posición_densidat}}})
Himno	{{{himno}}}
ISO	NL-FR
Pachina web	{{{pachina_web}}}

Frisia (frisón:Fryslân, neerlandés: Friesland) ye una provincia d'o norte d'os Países Baixos, correspondient a parti de l'antiga rechión de Frisia. En 2004 teneba una población de 642.000 habitants. A suya capital ye Ljouwert.

Muga con as provincias de Groningen, Drenthe, Overijssel y Flevoland. A l'ueste u a o norte ye rodiata por o IJsselmeer y a Mar de Wadden, a o norte d'on se troban una serie d'islas y bancos. Tien amás una comunicación dreita con Holanda Septentrional por medio de l'Afsluitdijk.

Ye una provincia con caracter agrario, a on que s'orichinoron as famosas vacas frisonas. O torismo i ye una atra gran fuent d'ingresos, más que más a o sudueste d'a provincia y en as islas. Iste feito prevoca una gran estacionalidat de l'actividat economica, con menor actividat d'hibierno.

Idioma

Senyalización bilingüe en Frisia

En a provincia i son oficials tanto o frisón como o neerlandés. O frisón tien o estatus de luenga minoritaria y ye, amás d'o neerlandés, reconoixito como luenga nacional oficial baixo a Carta Europea d'as Luengas Rechionals u Minoritarias. A luenga ye emplegata por o gubierno, en a chusticia, a educación y en os medios de comunicación.

A mas d'o frisón estandarizato bi ha un cierto numero de dialectos como l'Aasters, o Hindeloopen, o Kleifries, o Schiermonnikoog, o Nordhoeks, o Woudfries y o Zuidwesthoeks.

En muitas ciudatz de Frisia se parla poco o frisón, manimenos se i parla un dialecto neerlandés con muita influencia d'o frisón, como por eixemplo en It Amelân, It Bilt y Midslân. En a provincia de Groningen se parlan dos variedatz locals con gran influencia frisona, o Westerkwartiers y o Kollumerpompsters. En o sud d'a provincia, por debaixo d'o río Tsjonger quasi no se parla frisón, pero bi ha una parla, o Stellingwerfsk, que se clasifica como baixo saxón.

Economía

Vacas frisonas.

Frisia ye una provincia mas que mas agricola. D'astí procede o famoso ganato frisón, de color blanco y negro, y o caballo frisón. O torismo ye un sector important mas que mas en a rechión d'os lacos en a parti suroccidental y en as islas d'a mar de Frisia en o norte.

Esportes

Un d'os prencipals atractivos d'a provincia es ye o patinache sobre chelo que atraye esportistas y aficionatos de tot o país quan as condicions climaticas lo permiten. D'hibierno, quan as canals y lacos son prou chelatos ta formar vías adecuatas, a provincia se convierte en o centro d'a tradicional 'Vuelta d'as once ciudatz' (Elfstedentocht), un cercuito de patinache sobre chelo de 200 kilometros.

En verano d'atra man numerosos habitants de Frisia practican o famoso wadlopen, en que cruzan a piet a plana de marea d'a mar de Frisia (Waadsee) en os puntos a on que ista se troba prou xuta ta permitir-lo, dica as islas Amelân u Skiermûntseach.

Se veiga tamién

• Frisons
• Idioma frisón