Conte

Corona heraldica de conte.

Conte (u Contesa, en femenín), d'o latín comes, plegato a traviés d'o francés en muitas luengas, ye un titol de nobleza, d'un gubernant d'un condato.

Alta Edat Meya

Os primers reis de l'alta Edat Meya dioron o titol de conte a totz os oficials de lurs casas, uno d'ellos dito "conte palacín".

O titol de conte lo reprenioron os companyers d'armas d'os prencipes francos quan encomenzoron a chestionar bellas civitas ("ciudatz") u pagi ("pagos"), churidiccions administrativas heredatas d'o Imperio Román. Os contes merovinchios yeran nombratos por o rei con funcions fiscals, melitars y chudicials.

En ixas envueltas d'os Carolinchios tot ixo esdevenió hereditario y os pagos (pagi) evolucionoron enta condatos autonomos.

Bells condatos carolinchios d'a Marca Hispanica esdevenioron estatos cristians independients:

• Condato d'Aragón.
• Condato de Sobrarbe.
• Condato de Ribagorza.
• Condato de Pallars.
• Condato d'Urchel.
• Condato de Besalú.
• Condato de Barcelona.
• Condato de Cerdanya.