Se diz Territorio Britanico d'Ultramar (British Overseas Territory, en anglés) a la circumscripción controlata y baixo sobiranía d'o Reino Unito. Manimenos, istos territorios no fan parti d'o Reino Unito como lo puet fer Gran Bretanya u Irlanda d'o Norte.
Hue en día os territorios dependients no son administratos dreitament por o Reino Unito, sino que tienen o suyo propio gubierno que los administra, y o Reino Unit s'encarga d'a suya protección, d'as relacions exteriors y afers de negocios.
Istos territoris no tienen representación dreita en o Parlamento britanico y han estato refusatas propuestas ta encluyir-los como parti d'o Reino Unito.
A reina Isabel II ye reina d'istos territorios, como reina d'o Reino Unito, a esferencia d'en os reinos d'a Commonwealth a on ye reina d'ixos mesmos países (ye a reina, por eixemplo, de Canadá u d'Australia).
Cada territorio tien un gubernador trigato por o monarca d'o Reino Unito, que treballa como representant d'o «Gubierno de Su Machestat». Os gubernadors s'encargan y tienen o poder d'a seguridat en o territorio y d'a representación entre o territorio y o Gubierno Britanico; tamién disuelven a lechislatura y actuan ta fer cumplir as leis, pendendo d'o ran de poder gosan estar mas simbolicos u tienen mayor relevancia. Totz os gubernadors proceden por un regular d'o Regne Unit.
Abarca todas as tierras a o sud d'o paralelo 60° S, entre o meridiano 20° O y 80° O. As reclama o Reino Unito pero actualment son baixo a churisdicción d'as Nacions Unitas