Clasificación cientifica

Esquema d'a clasificación scientifica.

A clasificazión scientifica se refiere a la forma que os biologos agrupan y categorizan as especies vivas u ausiditas de sers vivos. A moderna clasificación dimana d'o sistema que proposó Carlos Linneu ta clasificar hierarquicament as especies d'alcuerdo con as suyas caracteristicas fisicas compartidas, y normalizar a suya denominación. Linneu proposó l'emplego d'una formula consistent en asignar un nombre a cada especie, composau de dos parolas (Sistema de nomenclatura binominal), a primera ye lo nombre d'o chenero y la combinación d'as dos designa la especie concreta.

Os taxons (grupos de clasificación) son vinculaus ta una permanent revisión ta amillorar a consistencia d'a hierarquia clasificadera d'alcuerdo con o prencipio d'a descendencia común, o qualo dende Charles Darwin ye la base d'esta categorización. A sistematica molecular, que emplega l'analís d'o ADN chenomico, heba plegau en as zagueras anyadas a obligar que se fesen bellas modificacions y ye a preveyer-se que contine fendo-lo. Un eixemplo d'ixa renovación cladistica ye en o nivel más alazetal; clasicament, s'aceptaba la existencia de cinco reinos, uno procariotico (reino d'os moneras), y quatre d'eucarioticos (Protista, Fungi, Animalia y Plantae). Agora, en comparanza, se'n distingue tres dominios, dos procarioticos (Eubacteria y Archaea) y nomás uno d'eucariotico (Eukarya), trestallau este zaguer en os quatre reinos d'alto nombraus.

A clasificación scientifica ye una d'as fayenas d'a biolochía sistematica y, más concretament, d'a taxonomía.

Se veiga tamién

• Sistema de nomenclatura binominal
• Carlos Linneu
• Especie