Diferencia entre revisiones de «Sistema niervoso»

De Biquipedia
Sin resumen de edición
m EBRO tresladó a pachina Sistema nervioso ta Sistema niervoso
(Garra diferencia)

Versión d'o 17:32 19 may 2012

Articlo d'os 1000
O sistema nervioso humán.

O sistema nervioso ye un rete neuronal de celulas especializatas que transmiten información sobre o entorno d'un animal y sobre o mesmo. Procesa ista información y ocasiona reaccions en atras partis d'o cuerpo. Ye constituito por milenta de millons de neuronas y atras celulas especializatas ditas glias, que facilitan a función d'as neuronas. Encara que o sistema nervioso constituye una unidat morfolochica y funcional, ta simplificar o suyo estudeyo gosa dividir-se en dos alpartatos: sistema nervioso central, formato por o encefalo y o miollo espinal, y sistema nervioso periferico, a que corresponden as dotze parellas de niervos que salen d'o encefalo, as 31 parellas que salen d'o miollo espinal y as ramificacions que s'extendillan dica la periferia. As neuronas cheneran y conducen impulsos entre y adintro d'os dos sistemas. En respuesta a los estimulos, as neuronas sensorials d'o sistema nervioso periferico cheneran y propagan sinyals a lo sistema nervioso central que las procesa y ninvía nuevas de vuelta a los musclos y glandulas. As neuronas d'o sistema nervioso d'os animals son intercomunicatas en aliniamientos complexos y emplegan sinyals electroquimicas y neurotransmisors ta transmitir impulsos d'una neurona a la siguient. A interacción entre diferents neuronas forma os circuitos neurals que regulan a percepción d'o mundo d'un organismo y qué ye pasando en o suyo cuerpo, d'ista traza tamién regulan o suyo comportamiento.

O sistema nervioso se troba en muitos animals multicelulars pero ye muit diferent en grau de complexidat entre una y atra especie.[1]

O sistema nervioso ye d'orichen ectodermico. Por grau de complexidat podemos distinguir uns quantos tipos de sistema nervioso, o plexo subepidermico d'os cnidarios, o sistema nervioso cordiforme d'os anelidos, artropodos y moluscos y o sistema nervioso d'os cordatos. O sistema nervioso d'os cordatos ye dorsal y se situa por dencima d'a notocorda, a diferencia de muitos filos de metazoos, que lo tienen ventral.

Se veiga tamién

Referencias

  1. Nervous System. Columbia Encyclopedia. Columbia University Press.