Luengas galorromanicas

A Luengas galo-romances son as luengas derivatas d'o latín que se parlaba en Galia u latín galico en as clasificacions tradicionals d'as luengas romances, romanicas u neolatinas. En sentito estricto son l'occitán, l'arpitán y o diasistema d'Oil (con o francés como variant principal). En un sentito més amplo as luengas retorromances, o piamontés y o catalán tamién serían galo-romances.

L'aragonés en a mayor part d'as clasificacions ye ibero-romanz, pero presenta caracters comuns con as luengas galo-romances. Bells autors heterodoxos han plegato a clasificar l'aragonés chunto con l'occitán gascón con o que implicitament consideran l'aragonés como galo-romanz.

O sistema vocalico d'as luengas galo-romances deriva d'o sistema vocalico d'o latín vulgar.

Bi ha lexico present en aragonés y común con as luengas galo-romances, que ye: camamila, esquiruelo, fraga, hordio, dalla, galdrufa, tefla, puyar, trobar, badallar y minchar.

Bibliografía

• Anchel Conte et al. El aragonés: Identidat y problemática de una lengua. Librería General (1982).
• Heinrich Lausberg Lingüistica romanica. Tomo I fonetica Editorial Gredos.
• Rafael Lapesa Historia de la lengua española. Editorial Gredos 1981.

Luengas romances

Aragonés | Arrumano | Astur-leyonés | Castellano | Catalán | Corso incluindo o gallurés | Chudeocastellano | Dalmata | Francés incluindo o diasistema d'as luengas d'oïl con o Borgonyón, Campanyés, Franco-Contés, Galó, Lorenés, Normando (Guernesiés, Jèrriais y Anglo-normando), Petavín-Santonchés, Picardo y Valón | Francoprovenzal | Friulán | Gallego | Istriot | Istrorrumano | Italiano | Ladino | Ligur | Lombardo | Meglenorrumano | Napolitán | Occitán incluindo o gascón y l'aranés | Piemontés | Portugués | Rumanche | Rumano | Sardo incluindo o sasarés | Siciliano | Veneciano