Alchebra

Una pachina d'o libro d'Al-Khwarizmi que dió nombre a l'alchebra.

L'alchebra ye una d'as prencipals brancas d'as matematicas, de conchunta con a cheometría, l'analís y a teoría de numeros. L'alchebra puede considerar-se como una cheneralización y enamplamiento de l'aritmetica.

O termin alchebra, biene de l'arabe al-djebr (الجبر) y significa "runión", "connexión" u "completitut", y ye parti d'o títol d'un tractato de l'anyo 830 escrito por o matematico persa Abu Abdullah Muhammad bin Musa al-Khwarizmi: Al-Kitab al-Jabr wa-l-Muqabala ("Replega d'o calculo por completitut y balance").

L'alchebra puede dividir-se en:

• Alchebra alazetal, an que s'estudian as propiedatz d'o sistema d'os numeros reals, s'usan simbolos ta denotar constants y variables y s'estudían as normas que gubiernan a maneyo d'expresions matematicas que emplegan istos simbolos.
• Alchebra abstracta, an que se definen axiomaticament as estructuras alchebraicas como son os campos, grupos y aniellos. As propiedatz especificas d'os campos vectorials s'estudían en l'alchebra linial.
• Alchebra universal, an que s'estudian as propiedatz comuns a todas as estructuras alchebraicas.
• Alchebra computacional, an que se recullen os algorismos ta la manipoliación d'obchectos matematicos.

Vinclos externos

• Se veigan as imáchens de Commons sobre Alchebra.