Amanda Righetti

Amanda Righetti (4 d'abril de 1983) ye una actriz y una productora cinematografica estatounitense.

Biografía

Primers anyos

Amanda Righetti naixió de St. George (Utah) y creixió en Las Vegas (Nevada), dimpués se tresladó ta Los Angeles ta tener más oportunidatz ta actuar. Se casó con o director Jordan Alan o 29 d'abril de 2006.

Carrera profesional

Treballando como productora de cintas, Righetti supervisó a producción de quantos anuncios de televisión y de cortometraches. Dimpués d'interpretar un papel en o capítulo piloto d'a serie No Place Like Home, os executivos d'a cadena de televisión estatounitense FOX se fixoron en ella. Dimpués interpretó un papel regular en a telenovela chovenil The O. C. como Hailey Nichol. También participó en a serie North Shore con o papel de Tessa Lewis pero a serie se canceló dimpués d'a suya primera temporada.

Dimpués en o 2005, Righetti participó en a serie Reunion de FOX como Jenna Moretti. También en 2005 Righetti apareixió en a portalada d'a revista FHM, y en o ranking de mullers más politas que fa ista revista estió en o puesto 59 y 84 en 2005 y 2006 respectivament.

En 2006, participó como actriz principal en a segunda parte d'una famosa cinta de terror de 1999, House on Haunted Hill, con o papel d'Ariel Wolfe. Ista cinta s'estrenó dreitament en DVD en o mundo entero en octubre de 2007.

En abril de 2008, Righetti fue trigata ta interpretar o papel de Whitney en o remake de Viernes 13. A producción d'a cinta remató en chunio de 2008 encara que a cinta s'estrenó en cines o 13 de febrero de 2009.

Dende o 28 de setiembre de 2008, Righetti participa en a serie El mentalista d'a cadena estatounitense CBS interpretando o papel de Grace Van Pelt.

Filmografía

Como actriz

• Viernes 13 (2009) - Whitney Miller
• Role Models (2008) - Isabel
• El mentalista (2008-presente) (TV) - Grace Van Pelt
• K-Ville (2007) (TV) - A.J. Gossett
• Return to House on Haunted Hill (2007) (V) - Ariel
• Pipeline (2007) - Jocelyn
• Marlowe (2007) (TV) - Jessica Reede
• Scarface: The World Is Yours]] (2006) (VG) (voz)
• Entourage (TV) - Katrina
• Enemies - Kelly Callaway (TV Piloto)
• Reunion (TV) - Jenna Moretti (2005)
• North Shore (TV) - Tessa Lewis (2004-2005)
• The O. C. (TV) - Hailey Nichol (2003-2005)
• Romy and Michele: In the Beginning (2005) (TV)
• No Place Like Home (2003) (TV)
• Angel Blade (2002) - Samantha Goodman
• CSI: Crime Scene Investigation (2001) (TV)
• Kiss & Tell (1996) - La pequeña
• Love and Happiness (1995)

Como productora

• Matter (2008)
• Pipeline (2007)
• Gentleman B. (2000)
• Missing Emotions (1997)

Vinclos externos

• (en) Sitio oficial d'Amanda Righetti.
• (en) Ficha d'Amanda Righetti en Internet Movie Database.