Substantivo

Un substantivo (tamién nombre substantivo ta distinguir-lo de l'adchectivo) en gramatica tradicional ye a parti d'a oración que puet funcionar (con u sin d'articlo) como nuclio d'o subchecto d'a oración.

Os substantivos en aragonés son variables en chenero y numero, encara que en atras luengas como lo chinés os substantivos son invariantes. A mayoría d'as luengas conoixitas distinguen sistematicament entre substantivos y verbos, tenendo propiedatz formals diferents. Manimenos, ista distinción tampoco no ye universal, ya que bellas luengas como o náhuatl u as luengas salish como o lummi u o kalispel no pareixen distinguir consistentment entre as dos categorías y as formas que funcionan como substantivo también acceptan flexión verbal.