Ciudat libre de Cracovia

A Ciudat libre de Cracovia u Republica de Cracovia (en polaco y oficialment Wolne, Niepodległe i Ściśle Neutralne Miasto Kraków z Okręgiem, Ciudat libre, independient y estrictament neutral de Cracovia y d'a suya redolada en aragonés) estió un antigo estato, hue despareixito, que naixió con o Congreso de Viena o 3 de mayo de 1815 como una traza de protectorato conchunto d'o Imperio austriaco, o Reino de Prusia y l'Imperio ruso sobre a localidat de Cracovia. A suya existencia ye marcata por dos escaicimientos prencipals, a dita Sublevación de noviembre (29 de noviembre de 1830) y a dita Sublevación de Cracovia (16 de noviembre de 1846), rematando ista zaguera con a fin d'a independenzia de Cracovia, anexionata a l'Imperio austriaco (como Gran Ducato de Cracovia).

En estar a luenga oficial d'a Ciudat libre de Cracovia o polaco y en recebir a quantos estudiants de totz os territorios de luenga polaca baixo control d'o Reino de Prusia, d'o Imperio ruso y d'o Imperio austriaco ta estudear en a Universidat Jaguellonica, Cracovia esdevenió o centro cultural u mesmo politico de Polonia mientras a suya existencia como estato, en haber desapareixito l'antigo estato polaco con as Particions de Polonia a finals d'o sieglo XVIII.