Roscoe Arbuckle

Roscoe Arbuckle, Roscoe "Fatty" Arbuckle (de l'anglés fatty, gordo) u Fatty Arbuckle, naixito de Smith Center (Kansas) o 24 de marzo de 1887 y muerto en Nueva York (Nueva York) o 29 de chunio de 1933, estió un actor, director cinematografico y guionista estatounitense que destacó mientres o Cine mudo. A suya carrera remató en 1921, quan en una fiesta salvache a on yera Arbuckle violoron (se diz) a una choven aspirant a actriz, Virginia Rappe, qui morió poco dimpués. L'acusoron de violación y asasinato y, encara que fue declarato posteriorment inocent, no tornó a treballar en o Cine estatounitense dica muit poquiet tiempo antis d'a suya muerte, en haber-ie mientres o suyo chudicio un chudicio paralelo feito por a prensa de William Randolph Hearst.

Vinclos externos

• Se veigan as imáchens de Commons sobre Fatty Arbuckle.
• Se veigan as imáchens de Commons sobre Roscoe Arbuckle.
• (en) Roscoe Arbuckle en IMDb.
• (en) Pachina sobre Roscoe Arbuckle.