Restauración Meichi

Emperador Meichi tresladando-se de Kyoto enta Tokio.

A Restauración Meichi (en chaponés: 明治維新, Meiji-ishin), describe una cadena d'escaicimientos que cambioron a estructura politica y social de Chapón escayecitos entre 1866 y 1869, un periodo de quatre anyos que abraca parti d'o Periodo Edo (tamién dito Shogunato Tokugawa tardano) y o prencipio d'a Era Meichi.

A formación en 1866 de l'alianza "Satcho" entre Saigō Takamori, o líder d'o dominio Satsuma, y Kido Takayoshi, o líder d'o dominio Choshu, sinyala o prencipio d'a restauración Meichi. Istos dos líders refirmoron a lo emperador y treballoron chunto a Sakamoto Ryoma ta acotolar o Shogunato Tokugawa (rematato en 1867) y restaurar o poder d'o emperador.

En chinero de 1868 en a Guerra Boshin u Guerra de l'anyo d'o dragon Choshu y Satsuma redotoron a lo exercito d'o ex-shogun. En realidat no se tornoron os poders ta o emperador sino que o poder pasó d'o redotato Shogun ta una oligarquía de daimyos.