Josef Mengele

Plantilla:Infobox melitars Josef Rudolf Mengele (ˈjoːzəf ˈʁuːdɔlf ˈmɛŋɡələ, dito l'Ánchel d'a Muerte, Todesengel en alemán, naixito de Günzburg (Reino de Bavera, Imperio Alemán, hue en Bavera, Alemanya) o 16 de marzo de 1911 y muerto en Bertioga (Estato de São Paulo, Brasil) o 7 de febrero de 1979, estió un medico y criminal de guerra alemán, miembro d'as Schutzstaffel qui mientres o Tercer Reich y a Segunda Guerra Mundial prenió parte activa en l'Holocausto y en as mortaleras feitas por os nazis contra muitas atras chents, amás d'os chodigos.

Doctorato en Medicina por a Universidat de Frankfurt d'o Main, y en Antropolochía por a Universidat de Múnich, fue destinato en o campo d'exterminio d'Auschwitz-Birkenau, fendo en primeras a selección d'os destinatos a morir inmediatament y d'os destinatos a estar explotatos en condicions d'esclavitut dica o suyo extermino definitivo, t'adedicar-se dimpués a practicas pseudo-medicas infamants con totz os prisioners, encluyendo-ie os ninos, motivo por o qualo recibió a suya embotata de l'Ánchel d'a Muerte. D'antis más heba partecipato en a luita en o Frent Oriental en una división d'as Waffen-SS.

Quan remató a guerra con a redota nazi, prencipió por amagar-se en a mesma Alemanya d'a posguerra, ta dimpués marchar enta America d'o Sud, a on vivió d'incognito dica a suya muerte.

Vinclos externos

• Se veigan as imáchens de Commons sobre Josef Mengele.