Aphididae

Polecón
Cuca de polecón
Clasificación scientifica
Dominio: Eukaryota Reino: Animalia Filo: Arthropoda Clase: Insecta Orden: Hemiptera Suborden: Sternorryncha Superfamilia: Aphidoidea Familia: Aphididae
Subfamilias
Se veiga texto.

Os afididos u afidos (en nomenclatura scientifica en latín Aphididae u Aphidae) son una familia d'insectos hemipteros ectoparasitos de plantas, con un numer encara indeterminato d'especies encabitas en catorce subfamilias. En aragonés, gosa clamar-sen polecón u polegón en conchunto a la población d'estes en ixambre que ye como se's sole trobar en una planta. O individuo se designa como «cuca de polecón/gón».

As cucas d'o polecón gosan fer una mida muit chicota, d'1 u 2 mm, con colors diversas. Be n'ha de grisas, negras, verdes u dica amariellas. O cuerpo el tienen simple, ovoidal, sin que se i pueda deseparar a capeza, tórax u abdomen. Qualques especies de plantas impiden que se i meta lo polecón fendo néctar de bells nectarios extraflorals, con a intención de proveyer a las fornigas con ell y que ellas les en guarden limpias. Altras especies de polecón, en cambio, fan un produeito dulz per l'abdomen que b'atrai as fornigas y son os himenopteros los quals les guardan d'os depredadors. Be ha depredadors especializatos en o consumo de polecón, como as cuquetas de dios u as crisopas.

Subfamilias

• Aphidinae
• Battichaitophorinae
• Chaitophorinae
• Drepanosiphinae
• Greenideinae
• Hormaphidinae
• Lachninae
• Lizeriinae
• Myzocallidinae
• Neophyllaphidinae
• Pemphiginae
• Phyllaphidinae
• Saltusaphidinae
• Taiwanaphidinae

• 
  Detalle d'una cuca de polecón.
• 
  Cucas adultas y chóvens.
• 
  Fornigas muyindo lo polecón.
• 
  Fembra con alas
• 
  Polecón en una branqueta.
• 
  Parasitando os cocullos d'un baladre (Nerium oleander).
• 
  Dos cucas de Dysaphis spp.
• 
  Empestando una fuella de baladre.

Vinclos externos

• Se veigan as imáchens de Commons sobre afididos.