Azuébar

Azuébar ye un municipio d'a provincia de Castellón, situato en a comarca de l'Alto Palancia. A suya población ye de 366 habitants (2005), en una superficie de 23,4 km² con una densidat de población de 15,64 hab/km².

Cheografía

Ye situato en a costera d'un mont, en o Parque natural d'a Sierra d'Espadán. O Parache de Mosquera tien una selva mediterrania exemplar.

Historia

A primera referencia d'o lugar apareixe en o libre del repartiment y se diciba que a localidat se donaba a lo noble aragonés Gonzálvez d'Heredia en 1237. Estió un lugar de moriscos dica 1609.

Toponimia

O suyo nombre puet venir d'o nombre d'os berbers Zuwawa.

Ye mencionato en o Repartiment:

[116] J. Gonçalveç d’Eredia, castrum et villam de Açubeba. Retinet rex pacem et gerram et potestatem ibi. VIII kalendas februarii. Miles.

En 1256, quan Chaime I d'Aragón ordena a los alcaitz y habitadors d'a redolada que deixen pasturar a los bestiars de Segorb en lurs termins, s'escribe Azuveba.

Fidelibus suis alcaidis et universis hominibus de Altura, de Gayvuel, de Almonezir, de Almedixar, de Castronovo, de Azuveba, de Pellinos, de Sova, de Sot, de Arguenas, de Gatava, de Marinas et de Serras, tam presentibus quam futuris. Salutem et gratiam.

En un texto de 1319 en aragonés, en lo que Pero Churdán d'Arenoso y la Marquesa Llopiz de Rada ceden a lo suyo fillo Gonzalvo part d'a senyoría d'Arenoso lo nombre se vei pareixito a Azuara, lugar d'o Campo de Belchit.

Los quales sobreditos castieyllos son en el reyno de Valencia, et afruentan con Ruvielos e con Noveruelas, et con san Agustín, aldea de Teruel, e con Pina, et con Castielmontán, et con Pavías, et con Matet, et con Val de Almonazir, et con Jinquer, et con Zuera, et con Ansara, et con Arrayna, et con Luzena, et con Chodos, et con Vistabeylla, et con el Puerto de Vengalmón, et con Castielvispal, et Zuara.

En toponimia menor u microtoponimia ye interesant o toponimo mosquera, de probable orichen navarro-aragonés, paralelo a Mosqueruela de Teruel y atros d'o Moncayo y Ribera Navarra, y Barranco de la falaguera.

Parla

Se i conserva encara a preposición aragonesa dica. O nombre d'un dulce tipico d'esta localidat ye orelleta.

Enrastres externos

• www.azuebar.es