Cuenca de Pamplona

La Cuenca de Pamplona, en vasco Iruñerria, ye una comarca de la Comunidat Foral de Navarra. La mugan con criterios estreitament fisicos y agafa la capital, Pamplona, con la suya aria metropolitana.

Descripción

Ye una un gran val con forma de uego -la cuenca- creyata por lo río Arga y bells afluents suyos, entre los que destacan Ulzama, Elorz y Arakil, que desembocan en l'Arga en diferens puntos de la comarca.

I conviven dos espacios humans bien diferenciatos: l'aria urbana de Pamplona, densament poblata, y la periferia rural que la environa. La colonización de la periferia fue seguindo lo modelo d'expansión urbana de taca d'aceite (creyación de satelites residencials y industrials).

Lo nuclio de la cuenca

Lo nuclio de la cuenca ye la parte central, urbanizata, densament construita y poblata. Ye contenito drentro de l'aria metropolitana de Pamplona y la forman los municipios de: Pamplona, Villava, Uart, Burlada, Barañáin, Ansoáin, Olza, Zizur Mayor, Zizur, Galar, Beriáin, Noáin-Val d'Elorz, Val d'Aranguren y Val d'Egües.

La periferia

Bi ha un conchunto de vals a lo norte y ueste que dan a la comarca una forma asimetrica, más gran en dirección norueste. Son en la periferia a Val d'Ollo, Cendea de Iza, val de Gulina, val de Chus la Penya, Ezkabate, Olaibar, Tiebas-Muru Artederreta, Val d'Echauri, Echauri, Vidaurreta, Echarri, Ziriza y Belascoáin. Nomás que Ezkabarte perteneixe a l'aria metropolitana. Son nuclios rurals de tot, manimenos tienen urbanizacions y segundas residencias.

Aria metropolitana de Pamplona

Organo de chestión

Bi ha un organismo supramunicipal, la Mancomunidat de la Comarca de Pamplona, que chestiona pa los municipios lo ciclo de l'augua, replega de basuras y trasporte urbán de comarca (TUC). S'ha de sinyalar que n'esta mancomunidat bi ha municipios d'atras comarcas, como Mont-reyal, Esteribar u Ultzama.

Enrastres externos

• Mancomunidat de la Comarca de Pamplona.