Brasil

A República Federativa do Brasil ye o país más gran de Sudamerica y o cinqueno mas gran d'o mundo en termins d'amplaria territorial. A suya población ye de 184.101.109 habitants en una superficie de 8.514.876 km² (o 47% d'a superficie d'America d'o Sud), con una densidat de población de 22 hab/km². Encara que Brasil ye o cinqueno país mas poblato d'o mundo, ye uno d'os países con menor densidat de población, en estar semidesertica a mayor parte d'o país.

Brasil tien zonas mugants con totz menos dos d'os países sudamericans, Chile y Ecuador. Muga: a o norte con Venezuela, Colombia, Guyana, Surinam y Guayana Francesa; a o sud con Archentina, Uruguai y Paraguai; a l'este con l'Ocián Atlantico; y a l'ueste con Bolivia y Perú.

A capital nacional ye Brasilia, que sustituyó a Río de Janeiro en 1960. Politicament, Brasil ye una Republica, estando l'actual president d'o país Dilma Rousseff. Brasil declaró a suya independencia de Portugal o 7 de setiembre de 1822 formando o Imperio de Brasil, y Portugal reconoixió ista declaración d'independencia o 29 d'agosto de 1825.

En estar una antiga colonia portuguesa, Brasil ye l'unico país d'America d'o sud a on se charra o portugués, encara que tamién se charran luengas indichenas, muitas en situación de periglo. A relichión d'a mayor parte d'os brasilenyos ye o Cristianismo catolico (ye o país con mayor porcentache d'habitants catolicos d'o mundo), encara que tamién bi ha una important presencia d'a Ilesia Evanchelica.

A ciudat brasilenya con mayor nomero d'habitants ye São Paulo, con más de 10 millons; Rio de Janeiro, con mas de 6 millons; Salvador, Belo Horizonte y Fortaleza, con mas de 2 millons; y Recife, Curitiba, Belém, Porto Alegre, Manaus y Goiânia, totas con mas d'1 millón d'habitants.

A metat norte d'o país ye formata por a cuenca hidrografica d'o río Amazonas, encara que a parte sud de Brasil fa parte d'a cuenca hidrografica d'o Río d'a Plata, con os ríos Paraguai, Paraná y Uruguai. Antiparte, una parte d'as suyas auguas fluvials desauguan en l'Ocián Atlantico, que ye a muga oriental de Brasil. A mayor altaria de Brasil ye o Pico da Neblina, con 2.993 metros d'altaria sobre o ran d'a mar.

Organización politico-administrativa

Artíclo prencipal: Organización politico-administrativa de Brasil

O territorio de Brasil ye dividito en 26 estatos y un Destrito Federal.

Mapa de Brasil.

	UF	Siegla	Capital	Rechión
1	Acre	AC	Rio Branco	Norte
2	Alagoas	AL	Maceió	Nordeste
3	Amapá	AP	Macapá	Norte
4	Amazonas	AM	Manaus	Norte
5	Bahia	BA	Salvador	Nordeste
6	Ceará	CE	Fortaleza	Nordeste
7	Espírito Santo	ES	Vitória	Sudeste
8	Goiás	GO	Goiânia	Centro-Ueste
9	Maranhão	MA	São Luís	Nordeste
10	Mato Grosso	MT	Cuiabá	Centro-Ueste
11	Mato Grosso do Sul	MS	Campo Grande	Centro-Ueste
12	Minas Gerais	MG	Belo Horizonte	Sudeste
13	Pará	PA	Belém	Norte
14	Paraíba	PB	João Pessoa	Nordeste
15	Paraná	PR	Curitiba	Sud
16	Pernambuco	PE	Recife	Nordeste
17	Piauí	PI	Teresina	Nordeste
18	Rio de Janeiro	RJ	Rio de Janeiro	Sudeste
19	Rio Grande do Norte	RN	Natal	Nordeste
20	Rio Grande do Sul	RS	Porto Alegre	Sud
21	Rondônia	RO	Porto Velho	Norte
22	Roraima	RR	Boa Vista	Norte
23	Santa Catarina	SC	Florianópolis	Sud
24	São Paulo	SP	São Paulo	Sudeste
25	Sergipe	SE	Aracaju	Nordeste
26	Tocantins	TO	Palmas	Norte
27	Destrito Federal	DF	Brasília	Centro-Ueste

Mapa de Brasil

Prencipals rechions metropolitanas

As prencipals arias metropolitanas de Brasil son:

Rechión Metropolitana	Población en 2007
São Paulo	20.500.000
Rio de Janeiro	11.350.000
Belo Horizonte	5.000.000
Porto Alegre	4.200.000
Recife	3.600.000
Brasilia	3.500.000
Fortaleza	3.450.000
Salvador	3.350.000
Curitiba	3.250.000
Campinas	2.650.000
Belém	2.100.000
Goiânia	2.030.000
As rechións metropolitanas con mas de 2.000.000 d'habitants IBGE.

Esportes

• Brasil en os Chuegos Olimpicos

O esporte mes popular ye o fútbol.

• O fútbol ye o esporte mes popular y practicato de Mexico, estando-ne o suyo organismo rector a Confederación Brasilenya de fútbol y a suya competición mes important ye a Campeonato Brasileiro de Futebol y a suya maxima categoria ye a Serie A. Os suyos equipes partecipan en as competicions continentals organizatas por a Confederación Sudamericana de Fútbol y os clubs con mes campionatos nacionals ganados son o Santos y o Palmeiras. A selección nacional de fútbol ye a campiona de 5 edicions d'a Copa Mundial de Fútbol, (1958, 1962, 1970, 1994 y 2002) y o millor chugador de Brasil de totz os tiempos ye Pelé, campión con a selección nacional de fútbol en tres Copas Mundials de Futbol, y esleyito como millor chugador d'o sieglo XX seguntes a FIFA.

Competicions esportivas

Brasil estió a seu d'a Copa America de Futbol en as anyadas 1919, 1922, 1949, 1989 y estará a seu en o 2015.

A ciudat brasilenya de Rio de Janeiro estará a seu d'os Chuegos Olimpicos de 2016.

Enrastres externos

• Se veigan as imáchens de Commons sobre Brasil.
• (pt) Gubierno de Brasil.
• (pt) Torismo de Brasil.