Diferencia entre revisiones de «Imán»
m r2.7.1) (Robot Adhibito: nah:Tepoznotztli |
m r2.5.4) (Robot Adhibito: Modificato: hif:Chumbak loha |
||
Linia 40: | Linia 40: | ||
[[he:מגנט]] |
[[he:מגנט]] |
||
[[hi:चुम्बक]] |
[[hi:चुम्बक]] |
||
[[hif:Chumbak]] |
[[hif:Chumbak loha]] |
||
[[hr:Magnet]] |
[[hr:Magnet]] |
||
[[hu:Mágnes]] |
[[hu:Mágnes]] |
Versión d'o 12:26 22 avi 2011
- Iste articlo ye sobre un cuerpo que chenera un campo magnetico; ta la presona que diriche a oración en a relichión islamica, se veiga imam.
Un imán ye un cuerpo u dispositivo que chenera un campo magnetico, u dito d'una atra maniera, con un momento magnetico significativo, y por ixo tiende a aliniar-se con atros imans (por eixemplo con o campo magnetico terrestre).
A parola deriva d'o griego μαγνήτης λίθος (magnítis líthos) u piedra de Magnesia, una localidat conoixita dende l'antigüidat por as suyas menas de magnetita. En a traducción herediana de "Vidas Semblants" de Plutarco mencionan a la magnetita como piedra calamita:
Os imans pueden estar permanents u temporals, un iman permanent no necesita de denguna influencia externa ta chenerar o suyo campo magnetico mientres que os imans temporals, como los electroimans nomás cheneran o suyo campo magnetico gracias a la corrient electrica. Os imans permanents se pueden formar de traza natural, como ye o caso d'a magnetita, pero tamién pueden estar fabricatos de maniera artificial.
Os imans atrayen u repelen diversos materials, aquellos que son fuertement atrayitos por un iman tienen una gran permeabilidat magnetica, como en o caso d'o fierro y bells tipos d'acero, y reciben a denominación de materials ferromagneticos. Os materials con una baixa permeabilidat magnetica nomás són atrayitos debilment por os imans y se dicen paramagneticos, un eixemplo sería l'oxichén liquido. A la fin bi ha bells materials, como l'augua, que tienen una permeabilidat magnetica tan baixa que o magnetismo nomás se manifiesta en presencia d'un campo magnetico externo (diamagnetismo). Tot tien una permeabilidat magnetica mesurable.
A unidat de mesura d'o SI ta o campo magnetico ye o tesla, mientres que a unidat ta o fluxo magnetico ye o weber; 1 tesla ye 1 weber por metro quadrato.