Monzón

Iste articlo ye sobre un municipio aragonés en a Cinca Meya, provincia de Uesca. Ta atros usos se veiga Monzón (desambigación).

Monzón ye una ciudat y municipio aragonés d'a provincia de Uesca, situata en a comarca d'a Cinca Meya (en ye a suya capital).

A suya población ye de 17.050 habitants(2008), en una superficie de 155 km².

Cheografía

Ye situato chunto a los ríos Cinca y Sosa, baixo un castiello, que ye en l'alto d'un tozal, a 279 metros d'altaria sobre o ran d'a mar y a una distancia de 70 km d'a ciudat de Uesca, a capital d'a suya provincia.

Monzón ye trescruzato por a N-240, y por a linia de ferrocarril Madrit - Barcelona. Poseye importants industrias quimicas.

Mugas

O suyo termin municipal muga con L'Almunia de Sant Chuan, Sant Isteban de Litera, Binéfar, Binazet, Pueyo de Santa Cruz, Sant Miguel d'a Cinca, Peralta d'Alcofeya, Ilche y Castillón d'o Puent.

Historia

A ciudat s'ha estendillato baixo o castiello.

En a epoca de dominación musulmana se disputaban Monzón os Banu Sabrit de Uesca y os Banu Qasi de Leida. En lo sieglo XI perteneixeba a os Banu Hud y se diz que la prenió lo Cit en 1083. A los cristians lis caleba conquerir Monzón pa tallar as comunicacions entre los reinos taifas de Zaragoza y Leida.

O infant Pero reconquerió Monzón en 1089 quan lo reinato d'o suyo padre Sancho Remíriz d'Aragón. Sancho Remíriz creyó o Reino de Monzón pa o infant, futuro Pero I enantes d'estar rei d'Aragón. En 1143 pasó a perteneixer a os templers.

Toponimia

Provién de Mont de Sión, nombre que puet ilustrar as relacions d'os templers con as cruzatas en Tierra Santa.

O lugar de Conchel s'escribiba Cunchiel en o Libro del Reparo del General de 1489-1491.

Demografía

Evolución demografica

1362 f 1495 f 1842 1857 1860 1877 1887 1897 1900 - - - - - - - - 5.037

1910 1920 1930 1940 1950 1960 1970 1981 1991 5.368 5.136 5.460 5.808 6.362 9.825 14.670 14.861 14.690

1992 1994 1996 1997 1998 1999 2000 2001 2002 14.780 14.766 14.576 - 14.539 14.577 14.665 14.844 14.993

2003 2004 2005 2006 2007 2008 2009 2010 2011 15.395 15.457 15.806 16.200 16.217 16.749 17.042 17.115 -

2012 2013 2014 2015 2016 2017 2018 2019 2020 - - - - - - - - -

2021 2022 2023 2024 2025 2026 2027 2028 - - - - - - - - - -

1717-1981: población de feito; 1990- : población de dreito. Fuent: Intercensal en l'INE, Series de población en l'INE y Relación d'unidatz poblacionals en l'INE.

Administración

Reparto de concellers

Eleccions municipals
Partito	1979	1983	1987	1991	1995	1999	2003	2007	2011
Partido Popular	-	5	3	3	7	9	7	7	7
Partido de los Socialistas de Aragón	4	6	6	9	6	6	6	7	5
Partido Aragonés	-	-	2	2	1	0	2	1	2
Partido Comunista de Aragón/Izquierda Unida	6	6	4	3	2	0	1	1	2
Chunta Aragonesista	-	-	0	0	1	2	1	1	1
Independients	2	-	-	-	-	-	-	-	0
Centro Democrático y Social	-	-	2	0	-	-	-	-	-
Unión de Centro Democrático	3	-	-	-	-	-	-	-	-
Total	15	17	17	17	17	17	17	17	17

Alcaldes

Lista d'alcaldes

Lechislatura	Nombre	Partito politico
1979–1983	Joaquín Saludas	Partido Comunista de España
1983–1987	Carlos Allué	Partido de los Socialistas de Aragón
1987–1991	Ernesto Baringo	Partido de los Socialistas de Aragón
1991–1995	Ernesto Baringo	Partido de los Socialistas de Aragón
1995–1999	Nicolás Fortuño	Partido Popular
1999–2003	Nicolás Fortuño	Partido Popular
2003–2007	Fernando Heras Laderas	Partido de los Socialistas de Aragón
2007–2011	Fernando Heras Laderas	Partido de los Socialistas de Aragón
2011-2015	Rosa María Lanau Morancho	Partido Popular

Molimentos

Torre de l'homenache d'o castiello de Monzón.

• Un impresionant castiello construito por os templers.
• O Puent Viello sobre o río Sosa, constuito l'anyo 1768.

Fiestas

• Sant Mateu (Fiestas Mayors), 21 de setiembre.
• Lunes de Pasqua, romería a l'armita de nuestra sinyora d'o Enfuelgo.

Esportes

• Tiene un d'os millors equipes d'atletisme d'Aragón o Club Atletismo Monzón.
• O fútbol ye representato por o Club Atlético de Monzón.

Presonalidatz naixitas de Monzón

Categoría principal: Naixitos de Monzón

• Categoría:Naixitos de Monzón
• Javier Moracho, atleta.
• Conchita Martínez, tenista.
• Eliseo Martin, atleta.
• Álvaro Burrell, decatleta.
• Delfín Campo.
• Javier Gazol, atleta.

Enrastres externos

• Se veigan as imáchens de Commons sobre Monzón.