Fuset

Fuset (Used en castellán) ye un municipio de la provincia de Zaragoza, situato en la comarca de lo Campo de Daroca. La suya población ye de 369 habitants (2006), en una superficie de 85,3 km² y una densidat de población de 4,33 hab/km².

Cheografía

Ye situato en a plana dita Campo Bello.

Mugas

O termin municipal suyo ye güegal a lo norte con Atea, Forcallo y Valconchán; a lo sur con os de La Yunta y Embit (Guadalachara); a l'este con os de Santet, Gallocanta y Las Cuerlas, y a l'ueste con os Torralba de los Fraires y Cubel.

Toponimia

Lo toponimia Fuset u Fuseto apareixe en o "Libro vermello de l'Archivo Colechial de Daroca" quan fa referencia a un documento notarial de 27 de febrero de 1205 de l'arcebispe de Zaragoza Remón de Castrocol, sobre a organización eclesiastica en la Comunidat de Daroca. Ixe texto ye a donación de decimas de la Ilesia de Calamocha a la Colechial de Daroca, y i-podemos veyer tamién Forcallo. En documentos meyevals de los sieglos XII y XIV apareixe como Fuset, dica 1441. Dimpués pierde a F- inicial dando Uset u Usset. Sale como Uset en lo Fogache de 1495. En los viaches de Carlos II de 1677 y los viaches de Felipe V de 1701 ye Usset. A fins de lo sieglo XVII cambea ta Used, proceso que trobamos en atros toponimos aragoneses que rematan huei en -ed.

En lo suyo termin bi ha bell toponimo aragonés como Salobral.

Historia

Fuset fació part de la Comunidat de Daroca, seguntes textos de los sieglos XIII y XIV, creyata en l'anyo 1248. Fació part de la Sexma de Gallocanta, con lugars arredol de la lacuna.

Administración

Reparto de concellers

Eleccions municipals
Partito	1979	1983	1987	1991	1995	1999	2003	2007	2011
Partido de los Socialistas de Aragón									4
Partido Popular									3
Total									7

Alcaldes

Lista d'alcaldes

Lechislatura	Nombre	Partito politico
1979–1983
1983–1987
1987–1991
1991–1995
1995–1999
1999–2003
2003–2007	María Carmen Sánchez Pérez	Partido de los Socialistas de Aragón
2007–2011	María Carmen Sánchez Pérez	Partido de los Socialistas de Aragón
2011–2015	María Carmen Sánchez Pérez	Partido de los Socialistas de Aragón

Fiestas

• Sant Vicent, 22 de chinero
• Virchen de Olmera, segundo domingo de mayo;
• Cullita, zaguer domingo d'agosto.