Electronegatividat

A electronegatividat ye una mesura d'a fuerza con que un atomo atraye a os electrons compartitos en un enlace atomico. Pende, sobre tot, en a enerchía d'ionización.

L'inverso d'a electronegatividat ye a electropositividat, ye decir, a estendencia d'un atomo a perder electrons.

En cheneral, as diferents valuras d'a electronegatividat d'os atomos determinan o tipo d'enlace que se formara en a molecla que los combina. Asinas, seguntes a esferencia entre as eletronegatividatz d'istos se puede determinar (convencionalment) si o enlace será, seguntes a escala de Pauling:

• Ionico (esferencia mayor u igual a 2)
• Covalent polar (esferencia entre 2 y 0.4)
• Covalent no polar (esferencia menor de 0.4)

Aintro de cada periodo d'a Tabla periodica d'os elementos, a electronegatividat creixe de cucha enta dreita. En aumentar o numero atomico a carga nucleyar ye más gran y as fuerzas nuclio-electron periferico son más grans.

En cada grupo creixe de baixo enta alto. Como aumenta o lumero atomico creixe o numero de nivels. A distancia nuclio-electron periferico ye mayor y tamién o efecto pantalla, por ixo istas fuerzas electrostaticas son menors.

Escala de Pauling

A escala de Pauling la creyó Linus Pauling en 1932 y se fa servir amplament. En ista escala l'elemento más electronegativo (o fluor) tiene una balura de 4.0, y o menos eletronegativo (o francio) tiene una valura de 0.7. Os atros elementos en tienen valuras intermeyas. Dimpués d'o Fluor, os elementos más eletrocnegativos son l'oxichén (3,5); o cloro y o nitrochén (3,0); o carbonio (2,5); l'hidrochén y o fosforo (2,1)...

Escala de Mulliken

En a escala de Mulliken, as valuras s'obtienen fendo a meya entre o potencial d'ionización y l'afinidat electronica. Asinas, a escala de Mulliken s'espresa en unidatz d'enerchía, por un regular en electrón-volts.

Enrastres externos

• Se veigan as imáchens de Commons sobre Electronegatividat.