Diferencia entre revisiones de «Punica granatum»

De Biquipedia
Contenido eliminado Contenido añadido
Xqbot (descutir | contrebucions)
m r2.7.2) (Robot Adhibito: ks:دٲن
m + iw
Linia 62: Linia 62:
[[bg:Нар]]
[[bg:Нар]]
[[bn:বেদানা]]
[[bn:বেদানা]]
[[bs:Šipak]]
[[ca:Magraner]]
[[ca:Magraner]]
[[ckb:هەنار]]
[[ckb:هەنار]]

Versión d'o 22:11 4 nov 2011

Minglanera

Punica granatum
Dominio: Eukaryota
Reino: Plantae
División: Magnoliophyta
Clase: Magnoliopsida
Orden: Myrtales
Familia: Lythraceae
Chenero: Punica
Especie: P. granatum
Prunus persica
L., 1753

A minglanera u mengranera ye un arbusto cautivato por o suyo fruito, a minglana u mengrana.

Descripción

Ye caducifolio y puet gosar tener de 5 a 8 metros d'altaria. As fuellas son oposatas u suboposatas, brillants, oblongas u estreitas, enteras con 3-7 cm de largura y 2 cm d'amplaria.

As flors, con 3 cm de diametro, son de color roya brillant y tienen 5 petals. O fruito ye una baya globular con crosta coriazia, o interior ye dividito en lobulos que tienen lumerosas simients revestitas con una cubierta dita sarcotesta, con polpa roya y sucosa. S'ubre espontaneyament quan plega a estar matura.

Os paixaros en esta fase son atrayitos por a color roya d'as sarcotestas y se'n minchan as simients, que s'ixemenan con os suyos escrementos (dispersión endozoocora).

Historia

Milgraneras bordes y albandonatas arredol d'o Castiello d'Aledua y Llombai sin podar ni cullir-ne lo fruito

Ye una especie orichinaria d'una rechión que abraca dende l'Irán dica o norte d'os Himalayas. Lo introducioron como cautivo en Armenia y a rechión mediterrania, y dimpués se naturalizó por totas as zonas con clima mediterranio no guaire fridas.

Ye muito apreciata en as zonas deserticas por estar protechita d'a desecación por a suya pellete gruesa y coriacia, lo que permeteba que as caravanas la podesen trasportar grans distancias, sin de perder garra qualidat. Bi n'ha una antiga decumentación. Se sape que se cautiva dende fa 5.000 anyatas lo menos en Asia occidental y Norte d'Africa, se trobaba en os chardins colgants de Babilonia y en os baixorrelieus echipcianos. Os antigos echipcianos preparaban con o suyo suco un vin lebero con gusto de chordón. Tamién ye mencionata en a biblia.

Hipocrates recomendaba o suco d'a minglana en contra d'a fiebre y como fortificant contra la malautía.

Os romans asociaban a minglana a os fenicios y por ixo en deciban Punica. En Espanya no ye un fruito introducito por os musulmans como gosa decir-se, car se'n conoixen representacions en l'arte iberico.

Producción

Os prencipals países productors son: Israel, Liban, Echipto, Tunicia, Espanya y Italia.

Simbolochía

Pa muitos pueblos ye una simbolo d'amor, de fertilidat y prosperidat:

  • En a mitolochía griega, a primera minglana la plantó Afrodita, diosa de l'amor y la belleza. Ades, li ofreixió una minglana a Persefone pa seducir-la.
  • En Chava, ye asociata a bells ritos que acomapanyan o embarace.
  • En China, tienen como costumbre ofreixer-li una minglana a los recién casatos pa que tiengan una descendencia lumerosa (a color roya d'esta fruita ye una color que atraye a la buena fortuna d'alcuerdo con a tradición china).

Enrastres externos

Biquizionario
Biquizionario
O Biquizionario tien una dentrada sobre minglana.
Biquiespecies
Biquiespecies
Se veiga a información de Biquiespecies sobre Punica granatum.

Plantilla:Destacato