Genetta genetta

Genetta genetta
Chineta en o zoolochico de Wroclaw
Denominacions populars
Chineta, Tremostela
Estau de conservación
Seguro (IUCN)
Clasificación cientifica
Reino:	Animalia
Filo:	Chordata
Clase:	Mammalia
Subclase:	Theria
Orden:	Carnivora
Familia:	Viverridae
Chenero:	Genetta
Especie:	G. genetta
Descripción
Genetta genetta Linné, 1758
Distribución cheografica
{{{leyenda_mapa}}}

A chineta (Genetta genettta(Linné, 1758)) ye una especie de mamifero d'a orden d'os carnivora y d'a familia viverridae que se distribuye por buena part d'Africa y en part d'a Peninsula Arabica, considerando-se introdueito en a Peninsula Iberica, resta d'Europa suroccidental y Balears. Antesmás consideraban adintro d'a especie Genetta Genetta només que as poblacions autoctonas de Berbería y as introdueitas en Europa y Balears, actualment bi ha tendencia a considerar adintro d'una sola especie tamién as poblacions subsaharianas y d'Arabia. As 30 subespecies descritas no tienen una valideza segura.

Orichen d'as poblacions introdueitas en Europa

Existe a creyencia que fue introdueita dende Africa en o periodo d'Al-Andalus (Edat Meya musulmana), por os arabes y berbers, dende on s'ixemendaría dica as compleganzas d'o Roine y o Loira. Manimenos bi ha habito un trafico maritimo intenso dende muito enantes como pa considerar a introducción muito anterior. En o chacimiento de La Grotte de Las Morts (Montségur) han trobato una mandibula de chineta calendata en a Edat de Bronze . Os romans teneban chinetas como mascotas en as suyas casas enantes que os gatos domesticos fuesen introdueitos dende Echipto. Ye posible que fuese introdueita en as Islas Balears en tiempos d'os romans, bi ha constancia que en tiempos de César Augusto fue introdueito un misterioso animal dito ictis pa combatir una plaga de conillos.

Bibliografía

• Oscar Arribas. Fauna y paisaje en los Pirineos en la Era Glaciar. Lynx Ediciones. ISBN 978-84-87334-71-9

Enrastres externos

• Se veigan as imáchens de Commons sobre Genetta genetta.
• Wikispecies tiene un articlo sobre Genetta genetta.