Soldán

Mahmud y Ayaz
O Soldán ye a dreita, dando a man a lo xeikh, con Ayaz en piet dezaga iste. O presonache a dreita que esnabesa a escena ye o xah Abbas I, que reinó 600 dimpués. Museu d'Arte Contemporanio de Teherán, Irán.

Soldán (de l'arabe سلطان sulṭān, y éste de سلطة sulṭa: «poder») ye un tetulo que se fa servir en bells países islamicos equivalent a lo de rei u monarca (encara que no se traduce, car un rei propiament dito ye en arabe un malik). Literalment significa «qui exerce o poder», y en o suyo orichen estió una traza de referir-se a caudiellos melitars, por un regular d'orichen turqués, que exerceban o poder de facto en territorios nominalment gobernatos por o califa. Dimpués esdevinió un tetulo.

O primero en levar oficialment o tetulo estió Mahmud de Gazna, d'a dinastía d'os gaznauís, gaznavís u gaznavidas (998 - 1030), que gobernó dende l'actual ciudat afgana de Gazni uns dominios que iban dende o Gangas dica Mesopotamia.