Diferencia entre revisiones de «Amaiur»

De Biquipedia
Contenido eliminado Contenido añadido
Mazinho (descutir | contrebucions)
(como siempre, li cale una gollada)
(Garra diferencia)

Versión d'o 19:13 10 oct 2011

Iste articlo ye sobre o lugar d'Amaiur en a Val de Baztan, t'atros usos, se veiga Amaiur (desambigación). Plantilla:Localidat Espanya

Amaiur (Maya en castellán) ye un lugar d'o norte d'a Val de Baztan situato en l'extremo d'a cara sur d'o puerto d'Otsondo, que se troba a 8 kilometros de Elizondo, capecera d'o municipio, y a 58 km de Pamplona, al que se i plega a traviés d'a carretera nacional N-121b. Seguntes o censo de 2010, a suya población ye de 284 habitants[1]

Amaiur ye l'eixemplo de pueblo d'una sola carrera, an as construccions d'as viviendas y edificios que fan parte d'o lugar se i troban situatos a totz dos cantós d'a mesma. Ta accedir-ie s'ha de travesar una suportalada con forma d'arco, que fa la vez de muga d'os limites d'o espacio urbano, an se i troba un cruzero d'as zaguerias d'o sieglo XVII.

Mugas

Amaiur fa muga con Azpilkueta a lo sudoeste, con Arizkun y Erratzu a lo sur y con Urdazubi a lo noroeste

Urdazubi
Llinars del Vallès
Azpilkueta Arizkun y Erratzu

Historia

O lugar d'Amaiur ye conoixito por estar o puesto an acayeció un d'os zaguers episodios d'a Conquiesta de Navarra por parte de Castilla en o sieglo XVI. Iste feito conoixito como o Setio d'o Castiello d'Amaiur tenió lugar entre los dias 15-19 de Chulio de 1522, quan una guarnición d'uns 200 navarros baixo lo mando de Jaime Vélaz de Medrano, habió de fer frente a un eixercito de 10.000 castellans y navarros beaumonteses que lis cercoron y asetioron. Os setiaus navarros resistioron quantos enrastes dende lo 15 dica lo 22 de chulio, calendata en que finalment capituloron. Diyas más tarde, o 12 d'agosto s'ordenó destruyir a fortaleza metendo-li fuego.

O 30 de chunio de 1922 en o mesmo puesto an se i trobaba lo Castiello d'Amaiur se debantó un monolito en recordanza d'os navarros que lo esfensoron. El qual resultó estricallato dimpués que fesen esclatar un carga explosiva la nueit d'o 26 al 27 de chulio de 1931. No estaria dica l'anyo 1982 quan, con refirme d'as deputacions de Navarra, Alava, Guipuzcoa y Vizcaya, amás d'o Gubierno Vasco, estio reconstruyito y reinaugurato de nuevo.

Cultura

Fiestas y cilebracions

As fiestas grans d'Amaiur se cilebran o 15 d'agosto en honor a Asumpción de Santa María

Molimentos principals

  • Palacio d'Arretxea (d'o sieglo XVI) (Arretxea jauregia, en vasco)
  • Palacio Borda (1702) (Borda jauregia)
  • Casa Arriada (a lo menos d'o sielgo XVI) (Arriada etxea)
  • Molimento en recordanza d'o Castiello d'Amaiur (Amaiurko Gaztelua)

Referencias

Enrastres externos