Fiemo

Fiemo.

O fiemo ye ro conchunto d'es excrementos animals empregatos en a fertilizazión d'es cautibos agricolas. Á sobent, á més d'es excrementos, también bi son enclusas restas de palla, alfalz, cazcarrias y altros materials d'es lietos d'as bestias que han estau replegatos en escobar o local. O puesto an ye dipositato ro fiemo ta que madure ye clamato femero u femera.

As cascarras més empregadas son as de güella, craba, u gallina, y as boñas as de baca ó caballo. As unas d'es tozins gosan á dechenerar-se ta formas liquidas que son clamadas purins que han d'estar tratadas d'abantis no sían usadas per a suya azideza quimica.

Con es fertilizanz quemicos, o fiemo yera desplazato de l'agricultura regular, pero autualment l'agricultura ecolochica ye recuperando-lo no només per que aporta nutienz ta ro suelo si que antimás incrementa o numbro de microorganismos en a tierra.

A parola fiemo ye una d'as que més sinnificatibament han quedato afixadas también en o castellán d'Aragón, amostrant o sinnificatibo sustrato aragonés que tién.