Diferencia entre revisiones de «Tallinn»
Sin resumen de edición |
better photo |
||
Linia 3: | Linia 3: | ||
|nombre_ofizial = |
|nombre_ofizial = |
||
|paísde = d' |
|paísde = d' |
||
|imachen = [[Imachen:Raekoja plats |
|imachen = [[Imachen:Tallinn - Town Hall Square (Raekoja plats).jpg|250px|A plaza Raekoja en o casco viello de Tallinn]]<br />A plaza Raekoja en o casco viello de Tallinn |
||
|escudo = Tallinn greater coatofarms.png |
|escudo = Tallinn greater coatofarms.png |
||
|bandera = Flag of Tallinn.svg |
|bandera = Flag of Tallinn.svg |
Versión d'o 07:58 23 set 2011
Tallinn | |||
Localidat d'Estonia | |||
| |||
Estau • Rechión |
Estonia Harjumaa | ||
Población • Total |
393222 hab. (2011) | ||
Altaria • Meyana |
143 m. | ||
Codigo postal | 10111 | ||
Coordenadas | |||
Web oficial |
Tallinn (Reval en alemán; Ревель en ruso) ye una ciudat d'Estonia, que ye a capital d'o país y d'a suya rechión, Harjumaa (u tierra d'Harju).
Ye situata a o canto d'o golfo de Finlandia, en o mar Baltico, ocupando una superficie total de 159,2 km², con una población de 404.311 habitants en 2006 y una densidat de población de 2.526 hab/km².
Fa parte d'a Organización d'as Ciudatz d'o Patrimonio d'a Humanidat.
O suyo casco viello ye Patrmonio d'a Humanidat, declarato por l'UNESCO en 1997.
Toponimia
O nombre actual d'a ciudat, Tallinn, ye d'orichen estonio, aunque o suyo sentito ye discutito. Ta beluns, provién de Taani-linn(a) (que significa castiello (u villa) d'os daneses); ta atros, de tali-linna (que significa castiello (u villa ) d'hibierno); ta atros, de talu-linna (que ye castiello-casa u castiello-pardina, u villa -casa u villa -pardina). O sufixo linna ye habitual en a luenga estonia ta indicar ciudat y castiello, pareixito a lo sufixo -grad en as luengas eslavas.
Tallinna sustituyó l'antigo nombre alemán Reval (en ruso Ревель) dimpués d'a independencia d'o país en 1918. Ista ortografía cambeó en os anyos 1920 ta l'actual Tallinn, estando singular, porque os nombres de lugar en estonio a sobén rematan en vocal (uso d'o chenitivo).
O nombre de Reval, que ye emplegato por os alemans y os suecos ta fer referencia a la ciudat, provién d'o sieglo XIII, ta referir-se a o condato amanato.
Bi ha atros nombres antigos d'a ciudat, variants de Lindanise, como Lyndanisse en danés, Lindanäs en sueco, Ledenets en eslavo antigo oriental, Kesoniemi en finés u Kolyvan (Колывань) en eslavo oriental antigo.
Historia
A primeras trazas de presencia humana en l'actual territorio d'a ciudat son d'o sieglo XV aC.
Sindembargo, a ciudat prencipia a tener más importancia en os sieglos IX y X, como un important puesto comercial en a mar Baltica.
En 1219, os daneses prenen Tallinn, y construyen un castiello en piedra, clamando-lo Reval, seguntes o nombre d'a rechión, encara que os estons en diciban Tallinna.
Estió miembro d'a Ligallo Hanseatico, como centro d'o comercio d'a sal en a Baltica, y l'ocuporon os caballers d'a Orden Teutonica en 1346, Suecia en 1561 y Rusia en 1710.
Mientres a Segunda Guerra Mundial, fue bombardeyata por o Exercito Royo, porque as tropas d'a Wehrmacht d'o Tercer Reich se bi heban acubilato. A metat d'a ciudat quedó destruita, pero nomás o 10% d'o casco antigo.