Sud-ueste d'Anglaterra

O Sudueste d'Anglaterra (en anglés South West England) ye una d'as nueu rechions d'Anglaterra. Ye a rechión más gran d'Anglaterra, y s'estendilla dende Gloucestershire y Wiltshire dica Cornualla y as Islas Sorlingas. Tamién encluye l'aria conoixita a sobén como West Country, y gran parti de Wessex. A grandaria d'ista rechión puet veyer-se en o feito de que a parti norte de Gloucestershire, amán de Chipping Campden, ye quasi a la mesma distancia d'a muga escocesa que d'o cabo más occidental de Cornualla.

Tradicionalment, o Sudueste d'Anglaterra s'ha conoixito por a producción d'o queso Cheddar, orichinato en a villa de Cheddar en Mendip Hills. Bi ha dos parques nacionals en a rechión y quatre puestos declaratos Patrimonio d'a Humanidat por a UNESCO.