Sant Mateu apóstol

Plantilla:Infobox Santos San Mateu (Galileya, ? - Etiopía u Hierapolis, ?) en hebreu מתי (tamién conoixito como Mateu Leví, Leví d'Alfeu u Mateu o Evanchelista) estió un apostol de Chesús de Nazaret. Lo representan chunto a un anchel. Le s'atribuye o Evanchelio seguntes San Mateu, pero, no ye prou platero, ya que pareixe escrito orichinariament en griego en una calendata tardana.

Seguntes as Escrituras, yera fillo d'Alfeu, le deziban Leví e yera plegador d'impuestos en Cafarnaum a on cobraba o peache por Herodes. Seguntes o evanchelio de Sant Luc, Chesús lo clamó mientres treballaba y le dició: segui-me. El lo siguió, y celebró una gran lifara en a casa suya en honor de Chesús.

Seguntes Eusebio de Cesaria, pedricó mientres quinze anyatas en Palestina y dimpués, diz Rufino, se'n fuo ta Etiopía a on l'apedrioron, lo cremoron y lo escabezoron.

En o "Liber Regum" en dicen:

Apres de Tiberius Cesar regno en Roma Cesar, qui ouo sobre nomne Gaius Callicola. Aquest se fazia tener por Deus a sos omnes e puso la imagen de so ydola en el temple de Iherusalem. Estonz escriuie Sant Matheu l auangelio en Iudea.

En o "Libro d'o Trasoro" dicen:

Matheu fue apostol e euangelista, e ouo sobre nonbre Leuj. El fizo los euangelios en Judea; e depues...

A suya fiesta ye:

• o 21 de setiembre en a Ilesia Catolica Romana
• o 16 de setiembre en a Ilesia Ortodoxa

Referencias

• Se veigan as imáchens de Commons sobre Saint Matthew.