Cuadrilla d'Ayala

A Quadrilla d'Ayala (en vasco Aiarako Koadrila u Aiaraldea) ye una comarca d'o País Vasco; situata en o territorio historico d'Alava. Ye una d'as siete comarcas u quadrillas en as que se divide a provincia d'Alava. Tamién gosa conoxer-se como Ayala-Cantabrica Alavesa, ya que encluye a mayor parti d'o territorio d'ista provincia que se situga en a versant cantabrica y historicament a mayor parti d'ista comarca formaba a Tierra d'Ayala. A prencipal población comarcal ye Laudio, encara que a seu d'as institucions d'a comarca ye Respaldiza, en o municipio d'Ayala.

A comarca se troba a lo norueste d'Alava, mugando con Vizcaya y con a provincia de Burgos, con una superficie de 328,12 km² y una población de 33.852 habitants (2008). A mayor parti d'a comarca ye situata en a cuenca alta d'o río Nervión. A tamas de pertenexer a Alava, se troba aintro de l'aria d'enfluyencia d'a ciudat de Bilbau; y a comarca tien más relación en muitos aspectos (culturals, historicos, politicos, socials, economicos, cheograficos, etc.) con Vizcaya que con a resta d'Alava.

Encluye os municipios d'Amurrio, Arceniega, Ayala, Laudio y Okondo.