Fase (materia)

Un chicot troz de chelo d'argón eschelando-se ascape, veyendo-se-ie a más a transición de solido a gas.

En fesica, una fase ye una rechión d'o espazio (un sistema termodinamico), a traviés d'a cuala totas as propiedaz fesicas d'un material son esenzialment uniformes. Eixemplos de propiedaz fesicas son a densidat, endize de refrazión, y composición quimica. Una descripción simpla ye que una fase ye una rechión de material que ye quimicament uniforme, fesicament diferent y (á sobén) mecanicament deseparable. En un sistema formato por chelo y augua en una charra de bidre, os cubez de chelo son una fase, l'augua ye una segunda fase y l'aire umedo arredol de l'augua ye una terzera fase, O bidre d'a charra ye atra fase deseparata.

O termin fase s'emplega a ormino como sinonimo d'estato d'a materia. Tamién, o termin fase gosa referir-se a un conchunto d'estatos en equilibrio definitos, en termins de bariables d'estato como presión y temperatura, por una muga entre fases en un digrama de fase. Ya que as mugas entre fases se relazionan con os cambeyos d'organización en a materia, como por eixemplo lo cambeyo d'estato liquido a solido u un cambeyo d'una estructura cristalina a una atra, iste zaguer emplego ye parellán a l'uso de fase como sinonimo d'estato d'a materia.