Pengő

Pengő † Magyar pengő
Información cheneral
Codigo:	HUP
Ambito:	Hongría
Simbolo:	P
Emisor:	Banco Nazional Ongaro
Valors
Monedas:	1, 2, 10, 20, 50 fillér 1, 2, 5 HUP
Billez:	1, 2, 5, 10, 20, 50, 100, 500, 1.000, 10.000, 100.000 HUP, 1, 10, 100, 1.000, 10.000, 100.000 millons HUP, 1, 10, 100, 1.000, 10.000, 100.000 billons HUP, 1, 10, 100 trillons HUP

O pengő ye una antiga moneda d'Hongría, emplegata entre o 21 de chinero de 1927 e o 31 de chulio de 1946, año en o cual estió remplazata per o forint dimpués d'un periodo d'intensa iperinflazión. O pengő se trestallaba en 100 fillér.

Introduzión

Dimpués d'a Primer Guerra Mundial, a corona austro-ongara sofrió una alta tasa d'inflazión. En Hongría, s'introduzió una nueva unidá monetaria, o pengő, preziato en 12,500 coronas, e definito como 3800 ta un kilogramo d'oro. Manimenos, a diferienzia de con as coronas, nunca no se fazió garra pengő d'oro.

A fin d'o pengő

10 Pengő (1936)

O pengő perdió a suya balura dimpués d'a Segunda Guerra Mundial, sofrindo a más gran tasa d'iperinflazión nunca rechistrata. O pengő se rebaluró, pero ixo no aturó la iperinflazión, e os pres continoron a suya espiral escontrolata, introduzindo-sen baluras superiors e plegando ta un maisimo d'un sestillón(10²¹) de pengő (Se'n veiga la imachen). Anque s'imprentó, nunca no s'emitió. A balura más gran en zerculazión estió de zien quintillons, (10²⁰) de pengő (Se'n veiga la imachen).

A economía ongara sólo que podeba estabilizar-se con a introduzión d'una nueva unidá monetaria; asinas estió que, ta l'1 d'agosto de 1946, s'introduziba lo forint a razón de 400 octillons(4×10²⁹) de pengő.