Salagón

Eixemplo de salagón

O Salagón ye una roca sedimentaria composata d'archila e carbonato calzico, e intermeya entre as rocas sedimentarias detriticas e quimicas.

As proporzions d'archila e carbonato pueden estar muito diferens. Se consideran ya archilitas si tienen un contenito de carbonato calzico menor d'un terzio d'a suya masa, e se consideran ya piedras calsineras si esta proporzión ye mayor d'os tres cuartos.

A presencia de carbonato fa que faigan bambolletas de diosido de carbonio en presencia d'azeto cloridrico. Son impermeables, como l'archila. Son tobas e poco resistents a la erosión, pero no tanto como as archilas, e tamién son menos plasticas. A suya testura ye grumosa, se creba dixando marcas en concha u asclas e de tono mate. A color ye bariable e quan tienen pirita prenen una color grisenca u azulenca, como a formación Salagons d'Arguis muito important en o paisache preperinenco.

Os salagons son a materia prima pa fer zemento.