Revolución rusa de 1917

Iste articlo ye sobre a Revolución rusa de 1917. Ta atros usos se veiga Revolución rusa (desambigación).

Imachen:Soviet Union, Lenin (55).jpg

Lenin en a Revolución d'Octubre

A Revolución rusa de 1917 estió un mobimiento politico en Rusia que remató en 1917 con a espulsión d'o gubierno probisional que eba remplazato lo sistema zarista, lo que lebó a la fin a lo establimiento d'a Unión Sobietica, que duró dica la su caíta en 1991.

En a Revolución pueden distinguir-sen dos fases:

• A primera estió la dita Rebolución de Febrero de 1917, que esplazó l'autocracia d'o zar Nicolau II de Rusia, o zaguero d'a historia, y teneba a intinción d'instalar una republica liberal en o país.
• A segunda fase estió a Revolución d'Octubre, en a que os soviets, inspiratos y controlatos cada vegata mas por o Partido Bolchebique de Vladímir Ilich Uliánov, mas conoxido como Lenin, prenioron o poder d'o gubierno probisional dirichito por Aleksandr Kérensky. Ista segunda revolución s'estendilló por tota Rusia, tanto por as ciudatz como por as zonas rurals.