Formación Keuper

A formación Keuper ye un nivel estratigrafico propio d'as facies chermanicas que sedimentó més que més en ambients costers d'o triasico superior.

Os suyos materials son salagons u archila con chesos, con tonalidatz grisencas, pero tipicament royencas. Mineralochicament ye un nivel on abundan l'aragonito, y variedatz d'atros minerals como o chacinto de Compostela y a Teruelita, (y podemos decir en muitas zonas que no se troban que en o Keuper).

O cheso y l'archila tienen un comportamiento plastico y fan que este nivel tienga una importancia gran en a estructura cheolochica d'os orochens on se troba:

• Puya formando diapiros.
• Fa de nivel de despegue de cabalgamientos en o Sistema Iberico.

A vegatas lo nombran como sinonimo de triasico superior pero no ye correcto porque ye una unidat litostratigrafica que no se da en atras facies d'o triasico como as facies alpinas. Tampoco no empecipió a sedimentar en o mesmo inte en totz os puestos on se troba, ni deixó de sedimentar de vegata en totz ixos puestos.