Ciclismo

Logo olimpico d'o ciclismo

Una imachen d'a Quebrantahuesos, a marcha ciclotoristica más important d'Aragón, en trescruzando o Somport en 2007.

O ciclismo ye un esporte con cuantas especialidatz, con a nota común de fer-se en una bicicleta por una presona clamata ciclista. Puet estar nomás una actividat d'ocio u fer-se como competición esportiva, con as suyas Federacions y Reglamentos. Bi ha asinas o ciclismo en ruta, o ciclismo en pista, o ciclocross, o ciclismo de montanya, o ciclotorismo, etz. As competencias sobre a reglamentación d'istos esportes son d'a Unión ciclista Internacional. Antiparte, ye un esporte olimpico.

Modalidatz

Recorrito d'a puyata ta o mitico Alpe d'Huez en o Tour de Francia.

• ciclismo en ruta. Se fa por carreteras, cercuitos u carrieras.
  • Pruebas d'un día:
    • Pruebas clasicas: son carreras d'una durada d'un día, entre dos ciudatz (París-Roubaix u Lidje-Bastogne-Lidje).
    • Criteriums: carreras en cercuito, a ormino de menos de 100 km de longaria.
    • Contrareloch: carrera individual, en a que totz os ciclistas fan o mesmo recorrito, encara que en moments diferents.
    • Cronoescalata: una carrera contrareloch en montanya.
    • Contrareloch por equipos: se corre no pan individualment, sino con totz os corredors d'o mesmo equipe agrupatos.
  • Pruebas de quantos días, en combinando etapas de montanya, de plana, contrarreloch, cronoescalatas, etz.

• ciclismo en pista, que se fa en una istalación especial, clamata velodromo.
  • Velocidat: A competición ye por parellas, en una distancia de 1.000 metros, encara que nomás cuenta o tiempo emplegato en recorrer os zaguers 200 metros.
  • Kilometro en salita parata: Prueba contrareloch individual en una distancia de 1.000 metros.
  • Persecución individual: competición uno contra uno, con salita de cadagún dende un puesto diferent d'o velodromo tentando de cazar-se'n mutuament.
  • Persecución por equipes: igual que l'anterior, pero en equipes de 4 corredors, estando o tercer corredor en trescruzar a meta qui dona o tiempo a o suyo equipe.
  • De fondo por puntos: carrera en grupos d'una longaria de 50 km, con sprint cada 1.500 metros, con puntuación cumulativa.
  • Keirin: ye una prueba d'orichen chaponés, a on arredol de 8 corredors fan un sprint lanzato.
  • Scratch: prueba de 10–15 km de longaria, con 24 partecipants, a on nomás puntúa o sprint zaguer d'a carrera.
  • Eliminación: semilar a la prueba por puntos, pero o zaguer corredor en cada sprint albandona a carrera, dica que nomás queda o guanyador.

• ciclocross.
• ciclismo de montanya.
• ciclotorismo.

Competicions

O pelotón ciclista en a Vuelta a Espanya (2007).

O pelotón ciclista en a Bicicleta Basca (2008).

Os ciclistas Carlos Sastre, Mauricio Soler y Iván Mayo en a puyata a o puerto de Larrau, en o Tour de Francia (2007).

O ciclista vasco Gorka Verdugo en una etapa de montanya d'o Tour de Francia (2007).

A Unión Ciclista Internacional clasifica as carreras en categorías:

Uci Pro Tour

Pruebas por etapas

• París-Niza (Francia).
• Tirrena-Adriana (Italia).
• Vuelta a o País Vasco (País Vasco).
• Vuelta a Romandía (Suiza).
• Giro d'Italia (Italia).
• Vuelta a Catalunya (Catalunya).
• Dauphiné Libéré (Francia).
• Vuelta a Suiza (Suiza).
• Tour de Francia (Francia).
• Tour d'o Benelux (Belchica-Países Baixos-Luxemburgo).
• Vuelta a Alemanya (Alemanya).
• Vuelta a Espanya (Espanya).
• Vuelta a Polonia (Polonia).

Pruebas d'un día (clasicas)

• Milán-Sanremo (Italia).
• Tour de Flandres (Belchica).
• Gent-Wevelgem (Belchica).
• París-Roubaix (Francia).
• Amstel Gold Race (Países Baixos).
• Flecha Balona (Belchica).
• Lidje-Bastogne-Lidje (Belchica).
• Contrareloch por equipes d'Eindhoven (Países Baixos).
• Vattenfall Cyclassics (Alemanya).
• Clasica de San Sabastián (País Vasco).
• Gran Premio de Ploue (Bretanya).
• Campionato de Zúrich (Suiza).
• París-Tours (Francia).
• Giro de Lombardía (Italia).

Primera Categoría

• Semana Catalana de ciclismo (Catalunya).

Se veiga tamién

• Bicicleta.
• ciclista.
• Unión ciclista Internacional.
• Velodromo.
• Vuelta a Aragón.
• Vuelta a los Perineus.
• Quebrantahuesos.
• Vuelta a Espanya.
• Tour de Francia.
• Giro d'Italia.

Enrastres externos

• Se veigan as imáchens de Commons sobre o ciclismo.
• Pachina web oficial d'a Unión ciclista Internacional.