Motor de combustión interna

Motor antigo, d'abiazión, con disposizión radial d'os pistons.

Un motor de combustión interna ye un tipo de maquina que obtiene enerchía mecanica dreitament d'a enerchía quimica producita por un combustible que se fa cremar aintro d'una cambra de combustión, a parti prencipal d'un motor. Se emplegan motors de combustión interna de quatre tipos:

• O motor ciclico Otto, qualo nombre proviene d'o tecnico alemán que lo inventó, Nikolaus August Otto, ye o motor convencional de gasolina que s'emplega en automoción u aeronautica.
• O motor diésel, dito asinas en honor d'o incheniero alemán naixito de Francia Rudolf Diesel, funciona con un prencipio diferent y gosa consumir gasólio. S'emplega en instalacions cheneradoras de enerchía electrica, en sistemas de propulsión naval, en camions, autobuses y automobils. Tanto os motors Otto como os diésel se fabrican en modelos de dos y quatre tiempos.
• O motor rotatorio.
• A turbina de combustión.