Diferencia entre revisiones de «Reino visigodo de Tolosa»

Ir a la navegación Ir a la búsqueda
sin resumen de edición
En [[478]] Eurico y los visigodos combatioron contra los [[burgundios]] en l'[[Ardèche]], y més tarde ([[481]] a [[484]]) ocuporon la resta de [[Provenza]] incluyendo [[Arles]] y [[Marsiella]]
 
No se sabe de tot en que anyo Eurico fació la resta de las conquiestas, pero sabemos que enta l'anyo [[480]], enantes de [[481]], lo conte godo [[Gauterico]], ninviato por Eurico, trescurzó los Perineus y ocupó Pamplona y Zaragoza. Por la mesma epoca Eurico nimbió una expedición a lo comandamiento de lo conte [[Eldefred]] enta la parte costera de la Tarraconense (se discute quala d'ellas estió primero, encara que por un regular se creya que estió la dirichita por [[Eldefred]]). La conquiesta de la [[Cartachinense]], [[Lusitanica]] y [[Betica]] no son documentatas.
 
Esta expedición enta la Tarraconense contó con la colaboración de lo cheneral román [[Vicencio]], que no se sabe si yera un cheneral que heba pasato a lo servicio d'[[Eurico]] u yera lo governador militar provincial román de la Tarraconense u d'atra provincia d'[[Hispania]] (en las cronicas lo titulan ''Dux Hispaniae''). Eurico habió de valer-se de la colaboración d'un cheneral román (como dirichent militar u como aliato politico) pa asegurar-se la sumisión de los hispanorrromans de la Tarraconense, on pareix que trobó resistencia, probablement dende los grans propietarios hispanorrumans oposatos a ceder dos tercios de la tierra a los visigodos d'alcuerdo con la lei de la ''hospitalitas'' modificata por los visigodos (d'un tercio pasaba a dos tercios). si se sabe que [[Tarraco]], la capital provincial, habió de ser asitiata y presia violentament, encomenzando dimpués la suya decadencia definitiva en beneficio de [[Barcino]] (Barcelona, decadencia completata anyos dimpués por los musulmans.
 
Manimenos pareixe que Gauterico no trobó resistencia, debant lo temor que un nuevo bueito de poder provocás un nuevo periodo d'achitación pareixito a la [[Bagaudia]] de pocas anyatas enantes, u d'incursions de los salvaches montanyeses.
 
No se sabe si tota a provincia Tarraconense se sozmetió con rapidezrapideza (con la mencionata resistencia en [[Tarraco]] y talment en bellatras zonas), pero lo feito cierto ye que en l'anyo [[506]] escara se luitaba pa ocupar [[Tortosa]]. No se sabe si fue presa inicialment Tortosa y dimpués se rebeló con enchaquia de lo repartimiento de tierras, u por contra la resistencia de los hispanorromans fue desplazando-se enta o sur, buscando como defensa l'Ebro. Dirichiba la resistencia un hispanorromán dito Pero, a qui li atorgan o títol de ''tiranus'' (tirán, ye dicir, qui se titula rei sin títol legal pa estar-ne), y esta titulación suchiere que Pero s'habría proclamato sobirán con enchaquia de la extinción de lo Imperio y enantes de la entrata de los visigodos (y en tot caso habría succedito a un emperador u linia d'emperadors proclamatos en la Tarraconense dende ixa calendata), encara que no sabemos si se proclamó solo que en la redolata de Tortosa u las suyas pretensions abrazaban tota la provincia, estando la mencionata ciudat lo suyo zaguer bastión. Pero fue vencito y muerto en l'anyo 506 y la ciudat de Tortosa ocupata, con lo que los visigodos dominaban ya tota la Tarraconense.
 
Gauterico conquirió la Tarraconense oriental y probablement arribó en la [[Lusitania]], que se suposa que yera disputata tamién por los [[suevos]], y que amenazaban la retaguardia visigoda por las calzatas romanas que iban dende [[Braga]] a [[Cesaraugusta]] (continando enta [[Tarraco]]) pasando por [[Asturica]], [[Virovesca]], [[Tritium]], [[Vareia]] y [[Calagurris]], y por la que iba dende ''Ocelum Durii'' dica Cesaraugusta pasando por Abucella, [[Clunia]], [[Uxama]], [[Turiasso]] y Belsione u Belsinum u Balsio, seguindo en termins chenerals la linia de lo [[Duero]]. Probablement entre lo [[480]] u [[481]] y lo [[490]] la zona central d'Hispania yera disputata por los visigodos y los suevos, consiguiendo los primers un dominio inestable. Pareixe que los visigodos atacoron sin trobar guaire resistencia y podioron dominar tota la Cartachinense enantes de lo [[483]], y tamién tota u part de [[Lusitania]]. Lo [[483]] lo visigodo Salla y lo bispe de [[Merida]] Zenón reconstruyoron un puent román sobre lo Guadiana en la ciudat de Merida (Emerita Augusta), capital provincial de Lusitania (que con Requiario heba estato la capital de lo [[reino de los Suevos]]), de seguro dimpués d'un perioro de luitas entre visigodos y suevos, de bandidache y de gobierno poco eficaz de los propietarios locals; esta inauguración demostraría que lo dominio visigodo quedaba bien asentato, y que talment no yera mal acollito por la población. Lo dominio visigodo en la Betica por ixa mesma epoca no ye seguro y no ye documentato.
Eurico murió lo setiembre de [[484]] y lo sucedió lo suyo fillo [[Alarico II]].
 
En l'anyo [[486]] los francos de [[Clodoveu I]] ocuporon los dominios de Siagrio en la parte norte de la Galia. [[Siagrio]] se refuchió en Tolosa, pero [[Alarico II]] lo entregó a los francos y lo executoron. Los visigodos y [[francos]] esdevinioron vicins. Lo dominio visigodo d'Hispania en las provincias Cartachinesa y Lusitanica se consolidó en tiempos d'Alarico, no ye seguro o grau de dominio en la Betica. Talment por prebar de consolidar lo dominio en Hispania Alarico consideraría imprudent esfender a Siagrio y luitar contra los francos.
 
Pa esfender las zonas conquiestas en l'occident de la Tarraconense y la Cartachinesa a man de los [[suevos]], se transladoron colonos visigodos dende Galia, y se creyoron muitos asentamientos en la rechión que han dixato senyal arqueolochica en forma de [[necropolis]]. Lo [[Cronicón Cesaraugustán]] situa una gran emigración de godos en la zaguera decada de lo sieglo, y lo feito ye confirmato por las excavacions realizatas en tota una gran aria entre [[Pamplona]], o [[naixedero d'o Tacho|naixedero de lo Tacho]], [[Carpio de Tajo]] y la [[Tierra de Campos]].
66 130

ediciones

Menú de navegación