Diferencia entre revisiones de «Corylus avellana»

De Biquipedia
Contenido eliminado Contenido añadido
Jpbot (descutir | contrebucions)
m refirme aerio
JAnDbot (descutir | contrebucions)
m r2.5.2) (Robot Suprimito: nl:Hazelaar
Linia 72: Linia 72:
[[lt:Paprastasis lazdynas]]
[[lt:Paprastasis lazdynas]]
[[nds-nl:Haozenoeteboom]]
[[nds-nl:Haozenoeteboom]]
[[nl:Hazelaar]]
[[nn:Hassel]]
[[nn:Hassel]]
[[no:Hassel]]
[[no:Hassel]]

Versión d'o 08:00 17 chun 2011

Plantilla:Grafía 87

Abellanera

Corylus avellana
Dominio: Eukaryota
Reino: Plantae
División: Magnoliophyta
Clase: Magnoliopsida
Orden: Fagales
Familia: Betulaceae
Chenero: Corylus
Especie: C. avellana
Corylus avellana
L., 1758

L'abellanera, u mas corretament abellanera d'Europa occidental (Corylus avellana L., 1758), ye un arbusto de grans dimensions (bien pocas vegadas s'apresenta como árbol) de fuella caduca, natural d'Europa. Ye una d'as pocas espezies agricolas que tamián se pueden trobar en estato silbestre (que ixo ye no asilbestradas) en as nuastras latituz, fendo casa suya d'os puestos umedos y pozins en os monts d'a Peninsula, y tamién con d'espezial abundanzia en as balles d'o Perineo acsial. En cautibo, s'ha de criar en regano.

En llega d'alto ta's 8 metros, anque en condizions pardiculars en hai conoixitos que n'han llegato ta's 15. A madera ye dura, flesible y resistent, y nantes se feba marchar a saber-lo ta fer-ne astils t'as ferramientas de labor, baranas y tranca t'as puertas. As fuellas redondadas, d'entre 6 y 12 cm de lonchitut y d'amplura y con d'os cantos asarratos, son tobas y s'emplegan de pastura ta'l bestiar (con buena gana que les posan a las güellas y las crabas) en os lugars a on que l'árbol ye abundant.

As flors amanixen antes que no las fuellas, de buens comienzos en a primabera, son monoicas y con d'os amentos esferenziatos por o secso: Os masculinos de color amariella palida y d'us 5–10 cm de luengos, os femeninos muit chicots y de poco no s'amagan de raso a dentro la capaza, nomás que les n'amanixen os estilos por alto, de numer de 1 a 3. O fruito suyo ye l'abellana, que madura 6 u 8 meses dimpués d'a florada, en grupos de 3 u 5 abellanas, cadaguna con d'una capaza (pela) pardicular de fuellas modificadas que les ne tapa las 3 cuatreras partes.

A producción d'abellanas en Espanya s'aconzentra mas que mas en a provincia de Tarragona, a on que tradizionalment s'eban trobato os numers mas grans d'etarias de regano plantadas de las ditas. A localidat tarragonense de Reus se considera lo mas important mercato d'iste producto en o mundo, anque la importación d'abellanas de Turquía, mas baratas, l'ha meso en buens apuros en as zagueras decadas. A produción d'as abellaneras d'Asturias la sigue n'importanzia, con un 4 % d'a produción estatal[1]. Espanya, que por regular yera o terzer país en produción d'abellanas dimpués de Turquía y Italia, s'ha bido superato por Estatos Unitos en os años 90[2].

O nombre de l'abellana biene d'o latín avellanam nucem, que significa "nuez d'Avella", ixo ye una comuna d'a rechión italiana de Campania[3].

Referencias

  1. Entrada "Avellano", Nueva Enciclopedia Larousse, TOMO II, p. 870. Ed. Planeta; ISBN 84-320-4260-5
  2. Sobre o caultibo de l'abellana en Infoagro.com referents a l'añada d'o 2001, Apto. "Importancia Económica y Distribución Geográfica", consultato o 9 de chinero de 2008.
  3. Entrada "Avellana", Nueva Enciclopedia Larousse, TOMO II, p. 869. Ed. Planeta; ISBN 84-320-4260-5

Enrastres externos