Diferencia entre revisiones de «Chistén»
m refirme aerio, replaced: sobre tot → sobretot (2), anzia → ancia |
Sin resumen de edición |
||
Linia 19: | Linia 19: | ||
{{chistabín}} |
{{chistabín}} |
||
'''Chistén''' (''Gistaín'' en [[Idioma castellán|castellán]], '''''Gisten''''' en [[Grafía SLA]]) ye un [[municipio]] situau en a [[provincia de Uesca]] en a [[bal de Chistau]]. Es suyos abitants se dizen ''chistabins''. |
'''Chistén''' (''Gistaín'' en [[Idioma castellán|castellán]], '''''Gisten''''' en [[Grafía SLA]]) ye un [[municipio]] situau en a [[provincia de Uesca]] en a [[bal de Chistau]]. Es suyos abitants se dizen ''chistabins''. Comarca de Sobrarbe. |
||
La [[Población humana|población]] suya ye de 161 abitants, y la [[superficie]] d'el municipio 76,14 [[km²]], con una [[Densidat de población|densidat]] demografica de 2,11 ab/Km<sup>2</sup>. D'es 76,14 [[km²]] d'el termin municipal, garra denguno ye per baixo d'a cota d'es 1.000 metros d'[[Altaria|altitut]], més d'el 50% son per alto d'es 2.000 metros, y belas puntas (en el [[Pico d'a Pez]], la [[Punta Bachimala|Bachimala]] u la [[Punta Culfreda|Culfreda]]) pasan t'alto d'es 3.000. Ixo fa que el municipio de Chistén siya un d'es més altos de tot el [[Perineu]] [[españa|espanyol]]. |
La [[Población humana|población]] suya ye de 161 abitants, y la [[superficie]] d'el municipio 76,14 [[km²]], con una [[Densidat de población|densidat]] demografica de 2,11 ab/Km<sup>2</sup>. D'es 76,14 [[km²]] d'el termin municipal, garra denguno ye per baixo d'a cota d'es 1.000 metros d'[[Altaria|altitut]], més d'el 50% son per alto d'es 2.000 metros, y belas puntas (en el [[Pico d'a Pez]], la [[Punta Bachimala|Bachimala]] u la [[Punta Culfreda|Culfreda]]) pasan t'alto d'es 3.000. Ixo fa que el municipio de Chistén siya un d'es més altos de tot el [[Perineu]] [[españa|espanyol]]. |
Versión d'o 08:27 4 chun 2011
Plantilla:Grafía 87 Plantilla:Versión Academia SLA Plantilla:Municipio Aragón
Esta fuella ye escrita en chistabín. |
Chistén (Gistaín en castellán, Gisten en Grafía SLA) ye un municipio situau en a provincia de Uesca en a bal de Chistau. Es suyos abitants se dizen chistabins. Comarca de Sobrarbe.
La población suya ye de 161 abitants, y la superficie d'el municipio 76,14 km², con una densidat demografica de 2,11 ab/Km2. D'es 76,14 km² d'el termin municipal, garra denguno ye per baixo d'a cota d'es 1.000 metros d'altitut, més d'el 50% son per alto d'es 2.000 metros, y belas puntas (en el Pico d'a Pez, la Bachimala u la Culfreda) pasan t'alto d'es 3.000. Ixo fa que el municipio de Chistén siya un d'es més altos de tot el Perineu espanyol.
El lugar
El lugar de Chistén se troba per alto de San Chuan, a 1.378 metros d'altitut a la falda recuesta d'el Cuezo, poquet més d'un kilometro seguindo la carretera d'a bal de Chistau t'alto en pasare San Chuan, que fa buenas curbas y tien tamién dos esbarres que son la pista que puya ta Biadós y tamién ye d'un canto per on se baixa ta'l Puent Pecador que ye dintro d'el municipio de San Chuan. Esta carretera, de San Chuan ta Chistén, la son arreglando estes años (2007) ta fer que tienga dos carrils per cuentas de la uno solo que teneba. La villa mira ta la bal de Chistau, anque la més gran parte d'el termino municipal ye abocau ta la bal de Biadós.
El nuclio de Chistén, que ye la unico que fa parte d'el municipio, ye una villa chicota (u mesmo se'n podese dire un lugar gran) n'alto d'una faixa recuesta de la Peña d'el Cuezo (1926 m), y ixo el fa d'estar la unico lugar de Chistau que no toca el Zinqueta, pos en ye bels zentenars de metros de leixos. De tot el patrimonio que este lugar tienei, s'abrí de fer menzión d'as casas nobles, belunas d'elas de tan antiguas que se ban fere d'es siglos XVI y XVII. D'ixes tiempos nos i trobén Casa de Rins, que i tiene la calendada en a portalada que diz que ye feta d'el 1600, y que encara conserba el porte suyo tradizional y las formas tepicas de qu'abría estau una d'as casas més puyentas d'a localidat pos n'el dezir d'es bezins de Chistén se recuerda que nantes teneban ribalidat con els de Casa Tardán, qui yeban tamién bien prenzipals. Atras casas como Casa Palazín nos enseñan qué bien que n'han feto suc d'es tiempos quan que les n'ha calíu, y alabez, s'han adaptau ta fer negozio de cosas como ye el torismo que ye el que hoy fa que la villa tienga economía buena.
El torismo y sobretot, que s'han fetas prou segundas residenzias en a villa, l'han chuflato bida nueba pos anque el municipio tienei buenas estibas y teneba buena cantidat de bestiar, con es años en eba marchau mutisma chent y ya no yera Chistén la villa que eba siu n'atros tiempos.
Las torres
Chistén ye una villa que ba tenere la suya importancia historica perque yera el zaguere puesto d'á'n que se saliba ta pasare es puertos ta Francia, y tamién quan se tornaba d'allá t'aquí. Podría estar que se i és de pasare el puerto de Plan per el barranco d'a Sallena, u tamién que se remontás ta'l puerto d'a Madera u d'a Pez per la bal de Taberners (de Biadós t'alto), y tamién, en rematando, per Añes Cruzes. Ye per la suya ubicazión que en Chistén i ban tenere espezial negozio d'el contrabando con as bals franzesas a trabiés d'ixes puertos (ye important que nos aigan quedau puestos con nombres d'ixa epoca, como el paso d'es caballos en La Sallena) y asinas se fesen grans fortunas ta beluns d'el lugar. Asinas se ban alzare, sobretot n'es siglos XVI y XVII, las torres que son es monumentos prenzipals d'a villa, que n'eban siu més, pero que atualment nos en trobén només que dos.
De la construzión d'una d'estas torres, la més alta, en dizen es bezins de Chistén que ba estare bien curiosa, pos i eba ya en el lugar una torre, la dita torre de Tardán, per baixo d'a ilesia, (propiedat de Casa de Tardán) que yera-i l'argüello d'es amos suyos pos yera el costumbre d'ixes tiempos de fer-se alzare torres t'amostrar qué diners se teneban en a casa, més que no ta defender-se guaire (anque, obiament, tamién yeran utils si nunca se prezisasen ta ixe menister). Alabez, perque es amos de Casa de Rins se feban d'ire con despecho con es de Casa Tardán, y siempre les feban renuga perque teneban una torre á'l canto d'a ilesia, diz que un diya que yera uno de Rins redindo-se-ne le'n ba dire a l'amo de Tardán: "¡Cosa no bales, que bales menos qu'un gran d'ordio!" y alabez le ba dire l'amo de Tardán "Pos ya te cal que mires bien... perque este gran d'ordio te foterá un pino debant d'a casa que ni el sol no tornarás a biyere". Poquez tiempos dimpués, teneban es de Rins una torre que yera dos bezes d'alta la de Tardán, y puesta debant de casa d'éstes ta quitar-les el sol. La dos torres encara las podén biyere á'l puesto, y l'antiguisma portalada de casa Rins debaixo la güembra d'a torre de Rins siempre en as oras zentrals d'el diya.
A demés, es casaches de la villa de Chistén tienen un puesto terzero que repunta per alto, que ye la ilesia de San Bizent el Martir, feta d'es siglos XVI y XVII. Atros monumentos son la ermita de San Fabián, 1 u 2 Km leixos a par d'el barranco d'el Pazín, feta d'el siglo XVIII, y tamién es conchuntos de bordas que i eba per alto en Biadós y en Taberners, belunas que encara conserban es tellaus de palla que gosaban tenere d'antes. l'Espital de Chistén y el santuario d'a Vírgen Blanca, á'n que s'achuntan el Zinqueta d'a Pez y el d'Añes Cruzes.
Administración
Reparto de concellers
Partito | 1979 | 1983 | 1987 | 1991 | 1995 | 1999 | 2003 | 2007 | 2011 |
Partido Aragonés | 4 | ||||||||
Partido de los Socialistas de Aragón | 1 | ||||||||
Total | 5 |
Alcaldes
Lechislatura | Nombre | Partito politico |
---|---|---|
1979–1983 | ||
1983–1987 | ||
1987–1991 | ||
1991–1995 | ||
1995–1999 | ||
1999–2003 | ||
2003–2007 | ||
2007–2011 | David Bielsa Barrau | Partido Aragonés |
Presonalidatz naixitas de Chistén
Fiestas
- 20 de chinero, romería ta la ermita de San Fabián.
- La Candelera.
- Un cabo de semana de febrero, "Las Aguedas" (festibidat de Santa Águeda, fiesta d'as mullers) y es famosos Carnabals de Chistau.
- La falleta de San Chuan.
- 20 d'agosto, Fiesta Mayor fendo honor ta San Chuaquín, patrón d'el lugar.
Biyere tammién
Enrastres externos
- Se veigan as imáchens de Commons sobre Chistén.
- (an) Estadisticas de Chistén n'el portal AragonEsAsi.com
- (es) Chistén n'el portal CaiAragon.com
Municipios d'a comarca Sobrarbe | |
---|---|
L'Abizanda | L'Aínsa-Sobrarbe | Barcabo | Bielsa | Boltanya | Broto | A Buerda | Chistén | A Espunya | Fanlo | Fiscal | A Fueva | Palo | Plan | Puértolas | O Pueyo d'Araguás | Tella-Sin | Torla-Ordesa | Sant Chuan de Plan |