800 metros lisos

Os 800 metros lisos ye una cursa en a que s'han de fer 800 metros, libres d'obstaclos, o mes rapido posible. Ye a cursa mes curta d'as de meyo fundo y tién una surtida mista entre as cursas de velocidat i as de fundo. A surtida se face cadasgún por a suya carrera dica os 110 m, dimpués ye carrera libre, l'atleta puede correr por a carrera que quiera, cheneralment as carreras 1 y 2.

Ye incluida en o programa de prebas oficials d'os campionatos d'atletismo y a mas a mas ye en o programa d'atletismo en os Chuegos Olimpicos dende os Chuegos Olimpicos de Atenas 1896 en a categoría masculina, en a categoría femenina estió preba olimpica en Amberers 1928 pero estió considerata como una preba masiato dura y no tornó dica Tokio 1964.

Récords

Os récords mundials son, en a categoría masculina de David Lekuta Rudisha con una marca de 1'41,01 s, y en a categoría femenina de Jarmila Kratochvílová con una marca de 1´53"28 s. Os récords d'Aragón de 400 m lisos son en a categoría masculina de Alberto Esteban con una marca de 1´47"4 s dende o anyo 1966 estando o récord mes antiguo d'Aragón, y en a categoría femenina Elian Périz con 2'02"1 segundos.

Enrastres externos

• (en) IAAF - Récords d'area de 800 m lisos seguntas l'IAAF.
• (en) Lista d'as millors marcas masculinas de totz os tiempos en pachina web d'a IAAF.
• (en) Lista d'as millors marcas masculinas de totz os tiempos en pachina web d'a IAAF.