Diferencia entre revisiones de «Bruixa»

De Biquipedia
Contenido eliminado Contenido añadido
Escarbot (descutir | contrebucions)
m r2.5) (Robot Adhibito: ko:마녀 Suprimito: eu:Sorgin, fr:Sorcellerie
Escarbot (descutir | contrebucions)
m r2.5) (Robot Adhibito: fr:Sorcière
Linia 44: Linia 44:
[[de:Hexe]]
[[de:Hexe]]
[[eo:Sorĉado]]
[[eo:Sorĉado]]
[[fr:Sorcière]]
[[fy:Tsjoenster]]
[[fy:Tsjoenster]]
[[ht:Sòsyè]]
[[ht:Sòsyè]]

Versión d'o 07:21 31 may 2011

Plantilla:Grafía 87

Bruxas

As bruxas u broxas son as persona que s'adedican a la bruxería u a bels tipos de machia. Anque güé bi ha personas que s'autocalifican de bruxas u bruixots en un sentito positibo d'o termin, historicament as bruxas, reyals u imachinarias, han estato fuertement perseguitas, acusatas de pautos con o Diaple e de tota mena de maldaz. En a Edat Meya, muitas mullers estioron crematas acusatas de estar bruxas.

D'atra man, o personache d'a bruxa tamién ha estato una fuent de mitos e tradizions en a cultura popular de muitos países.

Os ombres que prauticaban a bruxería, muitos menos que as mullers en Aragón, yeran ditos bruxos en l'Alto Galligo e bruxons en atros puestos como Sobrarbe.

Bruxas e bruxos en Aragón

Anque as bruxas e bruxos yeran conoxitos popularment en muitas ocasions como chent que conoxeba plantas medizinals ta curar malautías d'o ganato e d'as personas tamién bi abió casos de contenas por bruxería por parti d'a Enquesizión en Aragón. Asinas bruxas como Domencha a Coxa, Margálida Escuder, Gracia la Nadala, La Narbona, Juana Bardaxí u Benedeta la Piquera e bruxons como Pedro Arruebo, Juan Gayán u Miguel Guillén aparixen en decumentos d'a Santa Enquesizión. Ta ista instituzión bels siñals de bruxería yeran l'uso d'ingüentos e conchuros machicos que les feban bolar, relazions con o Diaple u o conoximiento e posesión d'o dito en l'Alto Aragón "O Libret" u "Libro de San Ziprián". Tradizionalment yera o debinaire quí teneba la propiedat de dezir quí yera u no bruxo u bruxa.

As falordias populars dizen que as bruxas se tresladaban d'un puesto t'atro aintro de bulturnos u aires cornutos arredol d'as tronadas. En muitos lugars d'o Perineu se construyiban os esconchurador, puestos dende a on o mosén d'o lugar feba zerimonias contra as bruxas e as tronadas que yeran asoziatas con istas.

Atro elemento tipico de l'Alto Aragón son os espantabruxas d'as suyas casas. Se meteban en l'alto d'as chamineras ta que as bruxas no i pasasen. Tamién se feban cruzes sobre a zenisa d'as brasadas u se meteban as estenazas en forma de cruz. En as puertas d'as casas se penchaban tot tipo d'amuletos contra bruxas e bruxons.

Una propiedat que se deziba teneban istas personas yera la de poder combertir-sen en animals, a ormino gatos, llebres u crabas. En Sobrarbe tamién se diz que se combertiban en corbasos e bueitres e en atros puestos tamién en alicas u sirpients alatas.

Puestos de reunión

Bi ha muitos puestos arredol d'a cheografía aragonesa a on se diz popularment que se reuniban e feban danzas as bruxas e os bruxons con o Diaple. Istas reunions yeran ditas chuntas e entre atros puestos se feban en o puntón d'Asba en a Sierra de Guara, o Turbón, a Maladeta, Cotiella, as peñas d'o Salto d'o Roldán, as cuebas de Chabes e Solenzio en Bastarás, o Cabezo d'as bruxas e o prado de Bielsa en l'Aínsa, a Caseta d'as Bruxas en Biescas e en Labuerda, o Castiello de Boltaña, o Castiello de Pegar en Alins, o Balcón d'as Bruxas en Tamarit, a Peña d'as Bruxas en Plan a plaza d'Ansó u o fosal de A Espuña. O nombre popular ta istos lugars yera lannas, praus u eras d'o buco u d'o boc fendo referencia a lo Diaple.

Se veiga tamién

Plantilla:Destacato Plantilla:Destacato